بۇل - ولاردىڭ العاشقى كەزدەسۋى.
مەملەكەت باسشىسى قاسىم-جومارت توقايەۆ يران يسلام رەسپۋبليكاسىنىڭ پرەزيدەنتى يبراحيم رايسيمەن كەزدەستى، دەپ حابارلايدى Almaty-akshamy.kz Akorda.kz سىلتەمە جاساپ.
كەزدەسۋ بارىسىندا قازاقستان پرەزيدەنتى قاسىم-جومارت توقايەۆ يبراحيم ءرايسيدى جاقىندا وتكەن پرەزيدەنت سايلاۋىنداعى جەڭىسىمەن قۇتتىقتاپ، ەكى ەل اراسىنداعى بايلانىستاردى جوعارى باعالادى.
«بۇل – ءبىزدىڭ العاشقى كەزدەسۋىمىز. وسى جۇزدەسۋ ءبىزدىڭ ەلدەرىمىزدىڭ اراسىنداعى قارىم-قاتىناستارعا جاڭا سەرپىن بەرەتىنىنە سەنىمدىمىن. يران – ءبىزدىڭ كاسپيي وڭىرىندەگى تاتۋ كورشىمىز جانە يسلام الەمىندەگى جاقىن سەرىكتەسىمىز. ديپلوماتيالىق قارىم-قاتىناس ورناعاننان بەرى مەملەكەتتەرىمىز اراسىنداعى ىنتىماقتاستىق تۇراقتى تۇردە ارتىپ كەلەدى»، – دەدى مەملەكەت باسشىسى.
ءوز كەزەگىندە يبراحيم رايسي سايلاۋداعى جەڭىسىمەن قۇتتىقتاعانى جانە ۇلىقتاۋ راسىمىنە ارنايى دەلەگاسيا جىبەرگەنى ءۇشىن قاسىم-جومارت توقايەۆقا ريزاشىلىعىن ءبىلدىردى.
«يران مەن قازاقستاننىڭ ءوزارا ىنتىماقتاستىعى جان-جاقتى قالىپتاسقان. ارينە، الەۋەتى جوعارى بايلانىستارىمىزدى ودان ءارى كەڭەيتۋگە مول مۇمكىندىك بار. ءبىزدىڭ بۇگىنگى كەزدەسۋىمىز وسى ىقپالداستىقتىڭ باستاۋى بولارىنا سەنەمىن»، – دەدى يران پرەزيدەنتى.
سونىمەن قاتار كەزدەسۋدە تاراپتار بيىل ساۋدا-ەكونوميكا باعىتىندا وڭ ۇردىستەر بايقالعانىن اتاپ ءوتىپ، ەكى ەل اراسىنداعى ساۋدا-ساتتىقتى ودان ءارى ارتتىرۋعا جانە كولىك-لوگيستيكا، اۋىل شارۋاشىلىعى، ينۆەستيسيا سالالارى بويىنشا ىنتىماقتاستىقتى نىعايتۋعا دايىن ەكەنىن ايتتى.
كەزدەسۋ سوڭىندا مەملەكەتتەر باسشىلارى ءوزارا ساپار الماسۋعا كەلىستى.