الماتىنىڭ ورتالىق كوشەلەرىنىڭ ءبىرى ءىشىنارا جابىلادى
الماتىدا دەمالىس كۇندەرى جاروكوۆ پەن تيميريازيەۆ قيىلىسىندا كولىك قوزعالىسى شەكتەلەدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«الماتى سۋ» كومپانياسى جاروكوۆ پەن تيميريازيەۆ كوشەلەرى قيىلىسىنىڭ وڭتۇستىك بولىگى 17 قىركۇيەك كەشكى ساعات 22:00-دەن 20 قىركۇيەك تاڭعى ساعات 6:00-گە دەيىن ءىشىنارا جابىلاتىنىن ءمالىم ەتتى.
«اتالعان قيىلىستا قالالىق سۋمەن جابدىقتاۋ جەلىسىن قايتا قۇرۋ بويىنشا جوسپارلانعان جۇمىستار جۇرگىزىلەدى. جۇرگىزۋشىلەردەن ۋاقىتشا قولايسىزدىقتى ءتۇسىنىپ، كوشە سەگمەنتىن اينالىپ ءوتۋ سحەماسىن الدىن الا قاراستىرۋىن سۇرايمىز»، - دەلىنگەن حابارلامادا.
ايتا كەتەيىك، 25 قىركۇيەككە دەيىن تولە بي كوشەسىنىڭ كەي ۋچاسكەلەرىندە كولىك جۇرۋىنە تىيىم سالىندى.