مونشا ىشىنە جاسىرىلعان استىرتىن كازينودا تۇراقتى كليەنتتەردى وتكىزۋ جۇيەسى جاسالعان. ويىنشىلاردىڭ قاراجاتىن قابىلداۋ كازينو ۇيىمداستىرۋشىلارىنىڭ كارتا شوتتارىنا اۋدارۋ ارقىلى جۇزەگە اسىرىلىپ كەلگەن.
قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتىنىڭ قىزمەتكەرلەرى قالاداعى مونشا كەشەندەرىنىڭ بىرىندە ورنالاسقان استىرتىن كازينو قىزمەتىنىڭ جولىن كەستى، دەپ حابارلايدى Almaty-akshamy.kz.
تەكسەرۋ كەزىندە مەكەمەدە 23 ويىنشى، سونداي-اق قىزمەت كورسەتۋشى پەرسونال بولعانى انىقتالدى.
قىزمەتكەرلەر شۇعا، ءتۇرلى نومينالداعى ويىن فيشكالارىن، كولوداداعى پلاستيكالىق كارتالاردى تاركىلەدى.
ەستەرىڭىزگە سالا كەتەيىك، «ويىن بيزنەسى تۋرالى» ق ر زاڭىنىڭ 11-بابىنا سايكەس قازاقستان رەسپۋبليكاسىنىڭ اۋماعىندا زاڭدا بەلگىلەنگەن ورىنداردان تىس كازينو جانە ويىن اۆتوماتتارىنىڭ قىزمەتىنە تىيىم سالىنعان.
وزگە اقپاراتتار تەرگەۋ مۇددەسىنە وراي جاريا ەتۋگە جاتپايدى.