الماتى پوليسياسى مەن ەرىكتىلەر ەسىرتكى جارناماسىن جويدى

الماتى حالقى تىعىز ورنالاسقان اۋداندارىنىڭ بىرىندە جاستار ەسىرتكى-گراففيتيىن بوياۋ ناۋقانىنا قاتىستى.

گراففيتي-سۋرەتتەردى بوياۋ، سينتەتيكالىق ەسىرتكىنىڭ تارالۋى تۋرالى مالىمەتتەرى بار جازۋلاردى انىقتاۋ جانە جويۋ ناۋقانى اۋەزوۆ اۋدانى اكىمدىگىنىڭ جانە “ناركوستوپ” ەرىكتىلەر ليگاسىنىڭ كومەگىمەن وتكىزىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ەرىكتىلەر مەن كوللەدج ستۋدەنتتەرى تۇرعىن ۇيلەردىڭ، گاراجداردىڭ، كەڭسە عيماراتتارىنىڭ قابىرعالارىندا ەسىرتكىنىڭ تارالۋىنا ىقپال ەتەتىن ترافارەتتەر مەن سايتتاردى جارنامالايتىن گراففيتيدى بوياۋعا قاتىستى. بۇگىنگە دەيىن الماتى قالاسى بويىنشا پوليسيا قىزمەتكەرلەرىنىڭ كۇشتەرىمەن 6 مىڭنان استام ەسىرتكى گراففيتيى بويالدى. ەسىرتكىگە ۇگىت-ناسيحات سۋرەتتەرىنىڭ 300 مىڭنان استامىن ەرىكتىلەر بويادى. جاستاردى ەسىرتكىنىڭ زيانىن ءبىلىپ، وسى اكسيومانى قالىڭ بۇقاراعا، ءوز قاتارلاستارى اراسىندا جەتكىزۋ ءۇشىن وسىنداي ءىس-شارالاردى وتكىزۋگە بارىنشا تارتۋىمىز بەكەر ەمەس. جالپى، مۇنداي ءىس-شارالاردى وتكىزۋدە پروفيلاكتيكالىق قۇرامنىڭ ماڭىزى زور»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.