قازاقستان پوليسياسى ۋكراينادان اكەلىنگەن ءقاۋىپتى پەتاردالار تۋرالى جالعان اقپاراتتى جوققا شىعاردى
الەۋمەتتىك جەلىلەردە «كورسار 1000»، «كورسار 10 000» جانە «زۆەزدەس» اتاۋىمەن بەلگىلى، «Juliy» كومپانياسى شىعارعان ءقاۋىپتى پەتاردالار تۋرالى اقپارات تارادى.
جالعان حابارلامادا بۇل پيروتەحنيكالىق ونىمدەر لەزدە ارەكەت ەتەتىن جارىلعىش زاتتاردان جاسالعانى تۋرالى ايتىلعان. پەتاردالار قولدا جارىلىپ كەتەدى دەگەن مالىمەت بەرىلگەن.
«بۇل ونىمدەر ۋكراينا ارنايى قىزمەتتەرى تاراپىنان جاعدايدى تۇراقسىزداندىرۋ جانە رەسەيلىك ازاماتتارعا بارىنشا كوپ زيان كەلتىرۋ ماقساتىندا جاسالعان. سول پەتاردالار قازاقستانعا دا جەتكىزىلدى»، – دەلىنگەن حابارلامادا.