20 جەلتوقساندا قازاقستان فۋتبول فەدەراسياسىنىڭ (قفف) جاڭا باسشىسىن سايلاۋ وتەدى. وسى وقيعاعا بايلانىستى قازاقستان ۇلتتىق فۋتبول قۇراماسىنىڭ باس باپكەرى ستانيسلاۆ چەرچەسوۆ ءوز پىكىرىن ءبىلدىردى، دەپ حابارلايدى aqshamnews.kz
رەسەيلىك مامان ءۇشىن قفف پرەزيدەنتىن سايلاۋ ماڭىزدى ءرول اتقارادى. سەبەبى جاڭا باسشىلىق 61 جاستاعى جاتتىقتىرۋشىمەن ىنتىماقتاستىقتى جالعاستىرۋ نەمەسە ليگا ۇلتتارى تۋرنيرىندەگى ءساتسىز ويىنداردان كەيىن كەلىسىمشارتتى بۇزۋ تۋرالى شەشىم قابىلداۋى مۇمكىن.
"كانديداتتار بەلگىلى، ولاردىڭ ەشقايسىسىن جەكە تانىمايمىن. سايلاۋ – قالىپتى پروسەسس. بۇل وقيعاعا ەرەكشە تولقىپ وتىرعان جوقپىن. سايلاۋ ناتيجەسىن كۇتەيىك، ءارى قاراي ءبارىن تالقىلايمىز"، – دەدى قازاقستان قۇراماسىنىڭ باس باپكەرى ستانيسلاۆ چەرچەسوۆ.
2024 جىلدىڭ 8 قاراشاسىندا قفف-نىڭ سول كەزدەگى پرەزيدەنتى ادىلەت بارمەنقۇلوۆ ءوز ەركىمەن قىزمەتىنەن كەتكەن بولاتىن. ءدال سول بارمەنقۇلوۆ ستانيسلاۆ چەرچەسوۆتى ۇلتتىق قۇرامانىڭ باس باپكەرى قىزمەتىنە شاقىرعان ەدى.
رەسەيلىك جاتتىقتىرۋشىنىڭ باسشىلىعىمەن قازاقستان قۇراماسى ۋەفا ليگا ۇلتتارى اياسىنداعى التى ماچتا نەبارى ءبىر عانا ۇپاي جينادى.