1 قىركۇيەككە دەيىن پارلامەنتتىك كانيكۋل دەپ جاريالاناتىنى تۋرالى ارنايى قاۋلى قابىلدادى.
ماۋسىمنىڭ 30 كۇنى پارلامەنت پالاتالارىنىڭ بىرلەسكەن وتىرىسى ءوتىپ، وندا جەتىنشى سايلانعان پارلامەنتتىڭ ءبىرىنشى سەسسياسى رەسمي تۇردە جابىلدى، دەپ حابارلايدى Almaty-akhamy.kz قازاقپارات cايتىنا سىلتەمە جاساپ.
اتاپ ايتقاندا، دەپۋتاتتار بيىلعى 1 قىركۇيەككە دەيىن پارلامەنتتىك كانيكۋل دەپ جاريالاناتىنى تۋرالى ارنايى قاۋلى قابىلدادى.
«بۇگىن ءبىز جەتىنشى شاقىرىلعان پارلامەنتتىڭ العاشقى سەسسياسىن اياقتاپ وتىرمىز. بۇل سەسسيانىڭ جۇمىسى قاسيەتتى وتانىمىز - قازاقستانىمىزدىڭ تاۋەلسىزدىگىنە 30 جىل تولعان مەرەيلى كەزەڭدە باستالدى. اتا-بابامىز اڭساعان تاۋەلسىزدىك ءاربىر وتباسىن، ءاربىر قازاقستاندىقتىڭ زور ماقتانىشى جانە باعا جەتپەس بايلىعى بولىپ سانالادى. سەبەبى ءدال وسى 30 جىلدىڭ ىشىندە ءبىزدىڭ ەلىمىز بارلىق سالادا زور تابىستارعا جەتتى. بۇگىندە قازاقستانىمىز بۇكىل الەم مويىنداعان بەدەلى جوعارى، ىرگەسى بەرىك قۋاتتى مەملەكەتكە اينالدى»، - دەدى ءماجىلىس ءتوراعاسى نۇرلان نىعماتۋلين.