قازاقستاندا V جاستاردىڭ سپورتتىق ويىندارى ءوتىپ جاتىر
اعىمداعى جىلدىڭ ناۋرىز ايىندا باستاۋ الىپ، تامىز ايىنا دەيىن جالعاسىپ جاتقان ويىنداردىڭ باعدارلاماسىنا 36 جازعى وليمپيادالىق سپورت ءتۇرى بويىنشا جارىستار ەنگەن، دەپ حابارلايدى Almaty-akshamy.kz.
ايتا كەتەيىك، اتالعان جارىس ءتورت جىلدا ءبىر رەت وتكىزىلىپ تۇرادى.
جارىسقا ەلىمىزدىڭ 3 قالاسى مەن 14 وبلىسىنان سپورتشىلار قاتىسىپ جاتىر.
بۇگىن 29 سپورت ءتۇرى بويىنشا جارىستىڭ ناتيجەلەرى شىقتى. ءبىرىنشى ورىندا - الماتى قالاسى (931 ۇپاي)، 872 ۇپايمەن الماتى وبلىسى ەكىنشى ورىندى ەنشىلەدى، ال 810 ۇپايدى يەلەنگەن شىمكەنت قالاسى ۇشتىكتى تۇيىندەدى.
جاستار ويىندارى 10 ناۋرىزدا اشىلعان بولاتىن. جارىستىڭ اشىلۋىنا ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپييەۆ قاتىسقان.
جارىستىڭ جابىلۋى تەمىرتاۋ قالاسىندا 1 تامىزعا جوسپارلانىپ وتىر.