پاكىستاندا تابيعي اپاتتان 1 033 ادام قازا بولدى.
مەملەكەت باسشىسىنىڭ تاپسىرماسى بويىنشا ق ر ۇكىمەتى پاكىستان يسلام رەسپۋبليكاسىنا ادام ولىمىنە اكەپ سوققان نوسەر جاڭبىر مەن سۋ تاسقىنى سالدارىن جويۋ ءۇشىن 400 مىڭ دوللار مولشەرىندە گۋمانيتارلىق كومەك كورسەتەدى، دەپ حابارلايدى Almaty-akshamy.kz Elorda.info -عا سىلتەمە جاساپ.
بۇل ماسەلە پرەمەر-مينيستردىڭ ءبىرىنشى ورىنباسارى رومان سكلياردىڭ توراعالىعىمەن وتكەن گۋمانيتارلىق كومەك كورسەتۋ جونىندەگى كوميسسيانىڭ وتىرىسىندا قارالدى.
رەسمي مالىمەتتەر بويىنشا، پاكىستاندا تابيعي اپاتتان 1 033 ادام قازا بولدى، ونىڭ ىشىندە 343 بالا، سونداي-اق تۇرعىن ۇيلەر مەن ينفراقۇرىلىم قيرادى. شامامەن 35 ملن ادام باسپاناسىز جانە ازىق-تۇلىكسىز قالدى.
27 تامىزدا پاكىستان پرەمەر-مينيسترى ش. شاريف حالىقارالىق قاۋىمداستىقتان كومەك سۇرادى.
28 تامىزدا ق ر پرەزيدەنتى قاسىم-جومارت توقايەۆ پاكىستان پرەزيدەنتىنە سۋ تاسقىنى سالدارىنان ادامداردىڭ قازا بولۋىنا بايلانىستى كوڭىل ايتتى.