ق ر پرەمەر-مينيسترىنىڭ ورىنباسارى تامارا دۇيسەنوۆا ق ر پارلامەنتى ءماجىلىسىنىڭ پلەنارلىق وتىرىسىندا سويلەگەن سوزىندە بيىلعى جينالعان ەگىننىڭ كولەمى جانە اۋا رايىنىڭ قولايسىزدىعىنا بايلانىستى شىعىنعا ۇشىراعان وتاندىق اۋىل شارۋاشىلىعى ونىمدەرىن وندىرۋشىلەرىن قولداۋ شارالارى تۋرالى ايتتى، دەپ حابارلايدى Almaty-akshamy.kz.
«مەملەكەت باسشىسىنىڭ تاپسىرماسى بويىنشا تاۋار وندىرۋشىلەردى قولداۋ ماقساتىندا استىقتى كەپتىرۋ ءۇشىن 62،5 مىڭ توننا ارزانداتىلعان ديزەل وتىنى ءبولىندى، قارجى ينستيتۋتتارى ايىپپۇل سانكسيالارىن قولدانباي نەسيەلەر مەن قارىزداردى وتەۋ مەرزىمىن ۇزارتۋدى جۇزەگە اسىرىپ وتىر، اوك سۋبسيديالاۋعا قوسىمشا قاراجات ءبولۋ جانە "ازىق-تۇلىك كورپوراسياسىنىڭ" استىقتى تىكەلەي ساتىپ الۋ ماسەلەلەرى پىسىقتالىپ جاتىر»، — دەپ اتاپ ءوتتى تامارا دۇيسەنوۆا.
ونىڭ ايتۋىنشا، قازىرگى ۋاقىتتا جامبىل وبلىسىنىڭ شارۋالارىنا وتەماقى تولەۋ جۇمىستارى جۇرگىزىلۋدە. ەستەرىڭىزگە سالا كەتەيىك، وڭىردە سۋ تاپشىلىعىنا بايلانىستى جەرگىلىكتى اۋقىمداعى تج رەجيمى جاريالانعان بولاتىن. بولىنگەن قاراجات كولەمى 3،7 ملرد تەڭگەنى قۇرادى.
ىشكى نارىقتا بيداي باعاسىن تۇراقتاندىرۋ جانە «سۇر يمپورتتى» بولدىرماۋ ماقساتىندا اۋماعىنا تەمىرجول جانە اۆتو كولىگىمەن استىق اكەلۋگە تىيىم سالۋ مەرزىمى 2024 جىلدىڭ 11 ساۋىرىنە دەيىن ۇزارتىلدى. اتالعان شەكتەۋ شارالارى ليسەنزيالانعان ەليەۆاتورلارعا، استىق وڭدەۋ جانە قۇس شارۋاشىلىعى كاسىپورىندارىنا، سونداي-اق قازاقستان اۋماعى ارقىلى بيدايدى ترانزيتتىك تاسىمالداۋعا قاتىستى قولدانىلمايدى. سونىمەن قاتار استىقتى ءوز قاجەتتىلىكتەرىنە پايدالاناتىن وتاندىق وندىرۋشىلەرگە دە شەكتەۋ بولمايدى.
«بيىل جينالاتىن استىقتىڭ كولەمى ەلىمىزدى نانمەن جانە ۇنمەن تولىق قامتاماسىز ەتۋ ءۇشىن جەتكىلىكتى بولاتىنىن اتاپ وتكىم كەلەدى»، — دەدى تامارا دۇيسەنوۆا.
سونىمەن قاتار ول ۇكىمەت الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ باعىتىندا كەشەندى جۇمىس اتقارىپ جاتقانىن جەتكىزدى. اتاپ ايتقاندا، كوكونىستەر قۇنىنىڭ وسۋىنە جول بەرمەۋ ءۇشىن فورۆاردتىق ساتىپ الۋ جۇرگىزىلدى جانە ماۋسىمارالىق كەزەڭدە تاۋار ينتەرۆەنسياسى قولدانىلدى.
پرەمەر-مينيستردىڭ ورىنباسارى ەلىمىزدىڭ بارلىق ايماعىندا تۇراقتاندىرۋ قورلارى بار ەكەنىن ەسكە سالدى. ولاردىڭ ءارقايسىسى ءۇشىن قاجەتتى ازىق-تۇلىك كولەمى بويىنشا ينديكاتيۆتەر ازىرلەنگەن. الەۋمەتتىك ماڭىزى بار تاۋارلارعا ۇستەماقى 15%-دان اسپاۋى ءۇشىن ساۋدا نىساندارىمەن جانە ءونىم وندىرۋشىلەرمەن 11،5 مىڭعا جۋىق كەلىسىمشارت جاسالدى. سونىمەن قاتار بەلگىلەنگەن تالاپتار قالاي ساقتالىپ جاتقانى دا ءجىتى تەكسەرىلەدى.
«دەلدالدىق سحەمالاردى تەكسەرەتىن وڭىرلىك كوميسسيالار جىل باسىنان بەرى ساۋدا مولشەرلەمەسىنىڭ جوعارعى شەگىن بۇزۋ بويىنشا 696 فاكت انىقتادى. 814 دەلدالدىق تىزبەككە تالداۋ جاساپ، 146 زاڭ بۇزۋشىلىقتى انىقتادى. ۇكىمەت قابىلداعان شارالاردىڭ ناتيجەسىندە 4 ايدان استام ۋاقىتتا الەۋمەتتىك ماڭىزى بار ازىق-تۇلىك تاۋارلارى باعاسىنىڭ يندەكسى بىرتىندەپ تومەندەپ كەلەدى»، — دەپ اتاپ ءوتتى تامارا دۇيسەنوۆا.
سونداي-اق ول ينفلياسيانىڭ تومەندەۋىندە قاتىستى وڭ ءۇردىس بار ەكەنىن ايتتى. الدىن الا جاسالعان بولجام بويىنشا، بيىل ونىڭ كورسەتكىشى بىلتىرعىدان ەداۋىر تومەن بولادى دەپ كۇتىلىپ وتىر.