قازاقستاندا بۋكمەكەرلىك كەڭسەلەردىڭ سىرتقى جارناماسىنا تىيىم سالىنۋى مۇمكىن. بۇل تۋرالى ق ر پرەمەر-مينيسترىنىڭ ورىنباسارى تامارا دۇيسەنوۆا ءمالىم ەتتى، دەپ حابارلايدى اlmaty-akshamy.kz.
«ەگەر ءسىز تەلەفوندى اشساڭىز نەمەسە كوشەگە شىقساڭىز بارلىق جەردە 1xBet، Olimpbet سەكىلدى بۋكمەكەرلىك كەڭسەلەردىڭ جارناماسىن كورەسىز. حالىقارالىق تاجىريبەدە 50 مەترگە دەيىن بولۋى كەرەك. بۇدان ءارى سىرتقى جارنامالار بولماۋى ءتيىس. وسىعان بايلانىستى ءقازىر دەپۋتاتتاردىڭ ۇسىنىستارىن ەسكەرە وتىرىپ، سىرتقى جارناماعا تىيىم سالۋدى كوزدەپ وتىرمىز»، - دەدى ءماجىلىس وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن تامارا دۇيسەنوۆا.
سونداي-اق پرەمەر-مينيستردىڭ ورىنباسارى سىرتقى جارناماعا تىيىم سالۋ تەك بۋكمەكەرلىك كەڭسەلەرگە قاتىستى ەكەنىن ايتتى.
«بۋكمەكەرلىك ۇيىمداردى ولاردىڭ كەڭسەلەرىندە، سپورتتىق تەلەارنالاردا، سپورت عيماراتتارىندا جانە سپورتشىلاردىڭ جابدىقتارىندا جارنامالاۋ ماسەلەسى شەشىلەدى. وسىلايشا جارنامانىڭ ءتورت ءتۇرى قالادى. بۇل حالىقارالىق تاجىريبە، - دەپ ءتۇسىندىردى ت. دۇيسەنوۆا.