قىلمىس جەتىسۋ اۋدانىندا، نازاربايەۆ داڭعىلى مەن توباياقوۆ كوشەسىنىڭ قيىلىسىندا بولعان.
ارىزدانۋشىنىڭ ايتۋىنشا، بەلگىسىز بىرەۋ فيزيكالىق كۇش قولدانىپ، IPhone تەلەفونىن اشىق تۇردە يەمدەنىپ، سول ارقىلى 600 مىڭ تەڭگە كولەمىندە ماتەريالدىق شىعىن كەلتىرگەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جابىرلەنۋشىنىڭ سوزىنە سۇيەنە وتىرىپ، قاسكويدىڭ سۇلباسى جاسالدى. جەدەل ءىس-شارالار بارىسىندا كۇدىكتى ۇستالدى. ول 22 جاستاعى جەرگىلىكتى تۇرعىن بولىپ شىقتى. تەرگەۋ بارىسىندا كۇدىكتى ۋاقىتشا ۇستاۋ يزولياتورىنا قامالدى. اتالعان دەرەك بويىنشا ق ر قك-نىڭ 191-بابى 2-بولىگىنە سايكەس قىلمىستىق ءىس تىركەلدى. كۇدىكتىنىڭ جەكە باسى بۇرىن جاسالعان وسىعان ۇقساس قىلمىستارعا قاتىسى بار-جوعىنا تەكسەرىلەتىن بولادى»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.