2034 جىلعى الەم چەمپيوناتىن وتكىزۋدەن ساۋد ارابياسى مەن جۇڭگو دا ۇمىتكەر.
ءتۋرنيردى وتكىزۋ كىمگە سەنىپ تاپسىرىلاتىنى تۋرالى شەشىم ءالى قابىلدانعان جوق، دەپ حابارلايدى Almaty-akshamy.kz
قازاقستان مەن وزبەكستان 2034 جىلعا جوسپارلانعان فۋتبولدان الەم چەمپيوناتىن بىرلەسىپ وتكىزۋ مۇمكىندىگىن قاراستىرىپ جاتىر.
بۇل مالىمدەمە قىرعىزستاندا ەكى فەدەراسيا وكىلدەرى قاتىسقان ورتالىق ازياداعى تۇركىتىلدەس ەلدەردىڭ فۋتبول قاۋىمداستىقتارى باسشىلارىنىڭ ءسامميتى بارىسىندا ايتىلدى.
بۇقارالىق اقپارات قۇرالدارى ءتۋرنيردى بىرگە وتكىزۋ يدەياسىنىڭ باستاماشىسى قفف (قازاقستان فۋتبول فەدەراسياسى) باسشىسى ادىلەت بارمەنقۇلوۆ بولعانىن جازىپ جاتىر.
كەيىنگى جىلدارى قازاقستان مەن وزبەكستان اراسىنداعى دوستىق قارىم-قاتىناستار، ونىڭ ىشىندە ەكى ەلدىڭ ۇلتتىق قۇرامالارى مەن كلۋبتارى اراسىندا جولداستىق كەزدەسۋلەر ۇيىمداستىرۋ ارقىلى ايتارلىقتاي نىعايا تۇسكەنى ايتىلادى.