فرانسيادا ۇكىمەت اۋىستى

ۇكىمەتتىڭ اۋىساتىنى ءبىر كۇن بۇرىن جاريالانعان ەدى.

فرانسيادا جاڭا مينيسترلەر كابينەتى جۇمىسىن باستادى، دەپ حابارلايدى Almaty-akshamy.kz

بەيسەنبى كۇنى فرانسيا پرەزيدەنتى ەممانۋەل ماكروننىڭ شەشىمىمەن فرانسيا مينيسترلەر كابينەتىنىڭ ءبىر بولىگى اۋىستى. وعان بۇعان دەيىن دە ازاماتتىق قوعام وكىلدەرىن جۇمىستان شىعاردى دەگەن ايىپ تاعىلعان.

دەگەنمەن مينيسترلەر نەگىزگى قىزمەتتەرىن ساقتاپ قالدى. ولار: قارجى، ىشكى ىستەر، سىرتقى ىستەر، قورعانىس، ادىلەت جانە ەڭبەك مينيسترلىكتەرىنىڭ باسشىلارى. بۇل تۋرالى EuroNews جازدى.

سىنشىلار پرەزيدەنت ەممانۋەل ماكرون مەن پرەمەر-مينيستر ەليزابەت بورندى ازاماتتىق قوعام وكىلدەرىنىڭ بارلىعىن دەرلىك قىزمەتىنەن بوساتىپ، ولاردىڭ ورنىنا ساياسي قۇرىلىم وكىلدەرىن قويدى دەپ ايىپتادى.

ۇكىمەتكە بارلىعى سەگىز جاڭا مينيستر مەن حاتشى كەلدى. ماكرون العاشقى كەزدەسۋىن وتكىزىپ ۇلگەردى. كەزدەسۋدە شىلدە ايىنىڭ باسىندا پوليسيا كولىگىن ءتىنتۋ كەزىندە 17 جاستاعى ءجاسوسپىرىم وققا ۇشقاننان كەيىن ەلدى شارپىعان تارتىپسىزدىككە "جاۋاپ بەرۋ" قاجەت ەكەنى ايتىلدى.

27 ماۋسىم كۇنى تاڭەرتەڭ پوليسەيلەر جولدا تەكسەرۋ كەزىندە 17 جاستاعى ءجاسوسپىرىمدى اتىپ ولتىرگەن. ءتارتىپ ساقشىلارىنىڭ ايتۋىنشا، ول تالاپتى ورىنداۋدان باس تارتقان. سونىڭ سالدارىنان ءبىرقاتار قالالاردا تارتىپسىزدىكتەر بولدى.