جەدەل شتابتىڭ جۇمىسى ۇيىمداستىرىلدى.
الماتى وبلىسى تجد كەزەكشى بولىمىنە قاراارشا اۋىلىنىڭ دەگەرەس اۋىلدىق وكرۋگى ەلدى مەكەنىندە نوسەر جاۋىن-شاشىننىڭ سالدارىنان ەڭىس اعىن بولعانى تۋرالى حابارلاما كەلىپ تۇسكەن، دەپ حابارلايدى Almaty-akshamy.kz
الماتى وبلىسى تجد، سونداي-اق جامبىل اۋدانىنىڭ جەرگىلىكتى اتقارۋشى ورگاندارىنان 30 ادام جانە 2 تەحنيكا كۇشتەرى مەن قۇرالدارى دەرەۋ وقيعا ورنىنا جىبەرىلدى. وقيعا ورنىنا بارعاننان كەيىن جاۋىن-شاشىننىڭ سالدارىنان جانە تاۋلى وزەندەردىڭ بەتكەيلەرىندە 36 شاقىرىم (شيەن اۋىلى) جانە 54 شاقىرىم (قاراارشا اۋىلى) «ۇزىناعاش-بەسمويناق» وبلىستىق ماڭىزى بار اۆتوموبيل جولىندا اعىنىنىڭ قالىپتاسۋى سالدارىنان اۆتوجول توسەمىن تاسقىن سۋ شايعانى انىقتالدى. قولدانىستاعى جاساندى قۇرىلىستار (قۇبىرلار) سۋ اعىنىنا توتەپ بەرە المادى. نوسەرلى كارىز جۇيەسى جانە جاساندى قۇرىلىستار (قۇبىرلار) جوق، وسىعان بايلانىستى سۋ اعىنىن اعىزۋ جول توسەمى ارقىلى جۇرەدى. جول بويىندا ءارتۇرلى فراكسيالاردىڭ لايلارى مەن تاستارىنان شوگىندىلەر پايدا بولىپ، سالدارىنان اۆتوجولدىڭ وسى ۋچاسكەلەرىندە كولىك قوزعالىسى جابىلدى.
سونداي-اق، ورتاشا قىسىمدى گاز قۇبىرىنىڭ ۋچاسكەسى (شامامەن 70-80 مەتر) ءبۇلىنىپ، شيەن اۋىلدىق وكرۋگى شيەن اۋىلىنىڭ ورتالىق كوشەسىندە ورنالاسقان 140-قا جۋىق اۋلا اۋماعىندا سۋ تاسقىنى بولدى. شيەن اۋىلىنىڭ حالىق سانى – 2 مىڭ 704 ادام، قاراارشا اۋىلىنىڭ حالىق سانى – 237 ادام.
جامبىل اۋدانىندا شيەن اۋىلدىق وكرۋگىنىڭ شيەن اۋىلىندا اۋىلدىق وكرۋگتىڭ جەرگىلىكتى اتقارۋشى ورگانىنىڭ كۇشتەرى مەن قۇرالدارى، ۇزىناعاش اۋىلىنىڭ 4ء-وسب ءورت سوندىرۋشىلەرى، سونداي-اق 28237 اسكەري ءبولىمىنىڭ اسكەري قىزمەتشىلەرى 138 جەكە تۇرعىن ءۇي اۋلالارىنان، ۇيلەردىڭ 10 جەرتولە ءۇي-جايىنان سۋ سورىپ شىعاردى. قالعان سۋ قالدىقتارى توپىراققا ءسىڭىپ كەتتى. جاعداي تۇراقتى.
ءقازىر ۇزىناعاش اۋىلىندا ورنالاسقان ق ر تجم 28237 اسكەري ءبولىمىنىڭ جەكە قۇرامىنان 30 ادام، تج ءبولىمى مەن №4 ءورت ءسوندىرۋ بولىمىنەن 20 قىزمەتكەر جانە تەحنيكا، سونداي-اق جەرگىلىكتى اتقارۋشى ورگاندارىنان 20 قىزمەتكەر جانە كومەكشى تەحنيكا وقيعا ورنىنا باردى. وقيعا ورنىندا اۋدان اكىمى، اۋداندىق توتەنشە جاعدايلاردىڭ الدىن الۋ جانە ولاردى جويۋ جونىندەگى كوميسسيا ءتيىستى جۇمىستاردى جۇرگىزىپ جاتىر.
«ۇزىناعاش-بەسمويناق» وبلىستىق ماڭىزى بار اۆتوموبيل جولىنىڭ 54 كم (قاراارشا اۋىلى) جول قوزعالىسى قالىپقا قەلتىرىلدى. جول توسەمىندە تاستار مەن بالشىقتان تازارتۋ جۇمىستارى، ارىق جەلىلەرى مەن ۇزىناعاش-بەسمويناق تاس جولىنىڭ قۇبىرلى وتكەلىن تازارتۋ جۇمىستارى جۇرگىزىلىپ جاتىر. سونىمەن قاتار سۋ باسقان ۇيلەردىڭ اۋلالارىندا سۋ ايداۋ جۇمىستارى جۇرگىزىلىپ جاتىر. تازالاۋ جانە قالپىنا كەلتىرۋ جۇمىستارى كەزىندە اۆاريالىق قىزمەت قىزمەتكەرلەرى 3 ەلدى مەكەندى (سۇڭقار، قارارشا، بەسمويناق) گازبەن جابدىقتاۋدان اجىراتتى.ءقازىر «تاۋەكەل گاز» ج ش س پايدالانۋشى ۇيىمى اۆاريالىق ۋچاسكەگە گاز قۇبىرى جەلىلەرىن قالپىنا كەلتىرۋ بويىنشا اۆاريالىق توپ جىبەردى.
تالعار اۋدانىندا تالعار وزەنىنىڭ بويىندا جاۋىن-شاشىننىڭ كوپ مولشەردە تۇسۋىنە بايلانىستى سول تالعار وزەنىندە سۋ دەڭگەيى كوتەرىلدى. ءقازىر تالعار وزەنىندەگى سۋ دەڭگەيى سەكۋندىنا 37 تەكشە مەتردى قۇرايدى. گيدروتەحنيكالىق قۇرىلىستىڭ سۋ وتكىزۋ قابىلەتى سەكۋندىنا 70.5 تەكشە مەتردى قۇرايدى. مونيتورينگ جۇرگىزۋ جانە جەدەل شارالار قابىلداۋ ماقساتىندا ولشەمدەر جۇرگىزىلۋدە. قوسىمشا باقىلاۋ بەكەتتەرى ورناتىلدى. جەدەل شتابتىڭ جۇمىسى ۇيىمداستىرىلدى. جاۋىن-شاشىن توقتادى، جاعداي تۇراقتى.