ءبىلىم الۋشىلاردىڭ ءبىلىم جەتىستىكتەرىنىڭ مونيتورينگىن باعالاۋدىڭ ۇلتتىق قۇرالى RCEC حالىقارالىق ساپا بەلگىسىن الدى.
ببجم ۇلتتىق قۇرالىنىڭ حالىقارالىق اككرەديتاسيادان ءوتۋى ونىڭ سەنىمدىلىگىن، شىنايىلىعىن جانە حالىقارالىق ساپا ستاندارتتارىنا سايكەستىگىن راستايدى، دەپ حابارلايدى aqshamnews.kz.
ءببجم-نىڭ بارلىق كەزەڭدەرى مەن پروسەدۋرالارى PISA، TIMSS جانە PIRLS سياقتى بەلگىلى زەرتتەۋلەردە قولدانىلاتىن عىلىمي تاسىلدەرگە نەگىزدەلگەن.
«ببجم اككرەديتاسياسىنان ءوتۋ ەلىمىزدىڭ باعالاۋ سالاسىنداعى الەۋەتىن جانە ساراپتاماسىن ارتتىرۋعا مۇمكىندىك بەردى. ءبىز ببجم ترانسفورماسياسى بارىسىندا ازىرلەنگەن نەگىزگى قاعيداتتار مەن تاسىلدەردى ۇلتتىق ءبىلىم بەرۋ جۇيەسىن جەتىلدىرۋ اياسىندا باسقا ءبىلىم دەڭگەيلەرىنە ەنگىزۋدى جوسپارلاپ وتىرمىز. بۇل باعالاۋ جۇيەسىنىڭ تۇتاستاي دامۋىن جانە بالالاردىڭ ءبىلىم ساپاسى تۋرالى وبەكتيۆتى دەرەكتەر الۋدى قامتاماسىز ەتەدى»، – دەدى «احمەت بايتۇرسىن ۇلى اتىنداعى «تالداۋ» ۇلتتىق زەرتتەۋلەر جانە ءبىلىمدى باعالاۋ ورتالىعى» اق باسقارما ءتوراعاسى ماعجان امانعازى.
سونىمەن قاتار اككرەديتتەۋ قازاقستاننىڭ ورتالىق ازيا وڭىرىندە ءبىلىم بەرۋ ساپاسىن باعالاۋ بويىنشا بىرلەسكەن باستامالارعا كوشباسشىلىق ەتۋىنە بىرەگەي مۇمكىندىكتەردى بەرەدى.
ببجم اككرەديتاسياسى 7 كەزەڭنەن تۇرادى، ولار باعالاۋ جۇيەسىن ازىرلەۋدى، تەست سۇراقتارىنىڭ بازاسىن قۇرۋدى، بارلىق قاتىسۋشىلار ءۇشىن نۇسقاۋلىق ازىرلەۋدى، سيفرلىق پلاتفورمادا تەستىلەۋدى اكىمشىلەندىرۋدى، حالىقارالىق ستاندارتتارعا سايكەس ناتيجەلەردى تالداۋ.
ەسكە سالايىق، ببجم – مەكتەپ وقۋشىلارىنىڭ ءبىلىم ساپاسىن زەردەلەيتىن قازاقستاندىق ۇلتتىق زەرتتەۋ، ول وقۋ-تاربيە پروسەسىندەگى كۇشتى جانە ءالسىز تۇستاردى انىقتاۋعا مۇمكىندىك بەرەدى. ونىڭ تۇپكى ناتيجەسى – ءبىلىم ساپاسىن ارتتىرۋ ءۇشىن ءار وڭىرگە كەشەندى تالداۋ جاساي وتىرىپ، ادىستەمەلىك ۇسىنىستار ازىرلەۋ بولىپ تابىلادى.