وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى تەحنولوگيالىق كوللەدجىنىڭ ديرەكتورى ەرۋلان كاراگۋلوۆ ەرەسەك تۇرعىنداردى جۇمىسشى ماماندىقتارىنا قىسقا مەرزىمدى وقىتۋ باعدارلامالارى تۋرالى ايتىپ ءوتتى.
سپيكەردىڭ مالىمەتىنشە، قازىرگى تاڭدا ەرەسەك تۇرعىنداردى دايارلاۋ، قايتا دايارلاۋ جانە بىلىكتىلىگىن ارتتىرۋ بويىنشا قىسقا مەرزىمدى باعدارلامالار جۇزەگە اسىرىلۋدا، دەپ حابارلايدى aqshamnews.kz.
بۇل باعدارلامانىڭ ۇيىمداستىرۋشىسى الماتى قالاسى اكىمدىگىنىڭ قولداۋىمەن جۇمىسپەن قامتۋ جانە الەۋمەتتىك باعدارلامالار باسقارماسى.
«قازىرگى تاڭدا سۇرانىسقا يە ماماندىقتاردىڭ تىزبەسى ازىرلەنۋدە، ءار كوللەدج ءوز مۇمكىندىكتەرىنە سايكەس ماماندىقتار بويىنشا وقىتۋدى جۇزەگە اسىرادى. بۇل جۇمىستى «اتامەكەن» وڭىرلىك كاسىپكەرلەر پالاتاسى ۇيلەستىرەتىن بولادى. كوللەدجدەردە وقىتۋ 1 ايدان 6 ايعا دەيىن سوزىلادى. مىسالى، ءبىزدىڭ كوللەدج ەرەسەكتەردى اسپاز جانە كونديتەر ماماندىعى بويىنشا دايىندايدى. سونىمەن قاتار، مەكتەپ پەن مەكتەپكە دەيىنگى ءبىلىم بەرۋ مەكەمەلەرىنە اسپاز دايىنداۋمەن اينالىسىپ جاتىرمىز»، - دەدى ەرۋلان كاراگۋلوۆ.