20-23 اقپان كۇندەرى «اتاكەنت» ورتالىعىندا ورتالىق ازياداعى ەڭ ءىرى Almaty Tech Cup — روبوتوتەحنيكا جانە دروندار چەمپيوناتى وتەدى، دەپ حابارلايدى aqshamnews.kz.
بۇل تۋرالى قازاقستان رەسپۋبليكاسى وقۋ-اعارتۋ مينيسترلىگىنىڭ باسپا ءسوز قىزمەتى مالىمدەدى.
بيىلعى جىلعى روبوتوتەحنيكا چەمپيوناتىنىڭ تاقىرىبى سۋ رەسۋرستارى مەن سۋاستى الەمىن زەرتتەۋدىڭ جاھاندىق ماسەلەسىنە ارنالماق.
وقۋشىلار وزدەرىنىڭ عىلىمي جوبالارى مەن يننوۆاسيالىق ستارتاپتارىن ءتورت ساناتتىق جاس بويىنشا ۇسىنادى:
• FIRST LEGO League Discover (4-6 جاس)
• FIRST LEGO League Explore (6-10 جاس)
• FIRST LEGO League Challenge (10-16 جاس)
• FIRST Tech Challenge (12-18 جاس)
كوماندالار اقش-تىڭ تەحاس شتاتى، حيۋستون قالاسىندا وتەتىن الەمدىك كەزەڭدە ەل نامىسىن قورعاۋ ءۇشىن ب ا ق سىنايدى.
دروندار چەمپيوناتى ءتورت باعىتتا وتەدى:
• ASPAN Drone Competition — درونداردى باعدارلامالاۋ جانە باسقارۋ؛
• ASPAN Cyber Competition — VelociDrone سيمۋلياتورىنداعى ۆيرتۋالدى جارىستار؛
• ASPAN Drone Race — FPV (First Person View) دروندار جارىسى.
جەڭىمپازدار وڭتۇستىك كورەيا، ەۋروپانىڭ بىرنەشە ەلدەرى، جۇڭگو جانە تۇركياداعى چەمپيوناتتاردا قازاقستاننىڭ نامىسىن قورعاۋعا مۇمكىندىك الادى.
ايتا كەتەيىك، قازاقستان وتكەن جىلدىڭ قازان ايىندا افينادا وتكەن جارىستا 190 ەلدىڭ ىشىندە ءۇش دۇركىن الەم چەمپيونى اتانىپ، رەكورد ورناتقان بولاتىن.
چەمپيونات ۇيىمداستىرۋشىلارى: الماتى قالاسىنىڭ ءبىلىم باسقارماسى، USTEM Foundation قورى، «Ashyq Aspan» ءعىلىمي-بىلىم بەرۋ قورى، رنپس «دارىن»، ق ر وقۋ-اعارتۋ مينيسترلىگى مەن قالا اكىمدىگىنىڭ قولداۋىمەن ۇيىمداستىرىلادى.