قازاقستاننىڭ شىلدە ايىنداعى مىندەتتەمەلەرى تاۋلىگىنە 1،680 ملن باررەل
شىلدە جانە تامىز ايلارىندا وپەك + ەلدەرى تاۋلىگىنە وندىرىلەتىن مۇناي ءوندىرىسىن 648 مىڭ باررەلگە ارتتىرادى، دەپ حابارلايدى Almaty-akshamy.kz.
2 ماۋسىمدا بەينەكونفەرەنسيا فورماتىندا وتكەن وپەك+ كەلىسىمىنە قاتىسۋشى ەلدەردىڭ مينيسترلىك وتىرىسىندا قازاقستان اتىنان ەنەرگەتيكا ۆيسە-مينيسترى اسەت ماعاۋوۆ قاتىستى.
وتىرىس بارىسىندا ءساۋىر ايىندا ەلدەردىڭ كەلىسىم بويىنشا مىندەتتەمەلەرىن ورىنداۋى تالقىلاندى.
«وتىرىس قورىتىندىسى بويىنشا وپەك+ ەلدەرىنىڭ اعىمداعى ءوندىرۋ دەڭگەيىن شىلدە ايىندا تاۋلىگىنە 0،648 ملن باررەلگە ۇلعايتۋدى جالعاستىرۋ جانە ارتىق ءوندىرۋ وتەماقىسى كەزەڭىن 2022 جىلعى جەلتوقسانعا دەيىن ۇزارتۋ تۋرالى شەشىم قابىلداندى»،-دەلىنگەن ق ر ەنەرگەتيكا مينيسترلىگى تاراتقان حابارلامادا.
قازاقستاننىڭ شىلدە ايىنداعى مىندەتتەمەلەرى تاۋلىگىنە 1،680 ملن باررەلدى قۇرايدى.