الماتى قالاسى اكىمى جانىنداعى ايەلدەر ءىسى، وتباسى جانە دەموگرافيالىق ساياسات جونىندەگى كوميسسيا مۇشەلەرى دە حالىقارالىق بالالاردى قورعاۋ كۇنىندە قايىرىمدىلىق ىس-شارالارىمەن قالامىزدىڭ جاس تۇرعىندارىن قۋانتتى، دەپ حابارلايدى Almaty-akshamy.kz..
قالا ومىرىندەگى قوعامدىق ىستەرگە بەلسەندى تۇردە اتسالىسىپ، الەۋمەتتىك احۋالعا كوبىرەك كوڭىل بولەتىن كوميسسيا مۇشەلەرى بالالارعا شۋاقتى ءسات سىيلايتىن مەرەكە كۇنى دەنساۋلىقتارىنا بايلانىستى وزدەرىنىڭ زامانداستارىمەن تەڭ ءجۇرىپ، تەڭ كۇلە المايتىن دامۋلارىندا كەمشىلىكتەرى بار مۇمكىندىگى شەكتەۋلى بالالارعا مەرەكەلىك كوڭىل-كۇي سىيلادى. قالامىزدىڭ سەگىز اۋدانىنان جينالعان 70-كە جۋىق بالالار مەن ولاردىڭ اتا-انالارىن «جۇلدىز» مەيرامحاناسىندا سۇيىكتى ەرتەگىلەرى مەن مۋلتفيلمدەرىنىڭ كەيىپكەرلەرى، جاس ونەرپازدار قارسى الىپ، ولاردى ءبىر ساتكە بولسا دا قۋانىش باعىنا جەتەلەدى. بالالار ءان تىڭداپ، ەرتەگى كەيىپكەرلەرىمەن سىرلاسىپ، ءبيدىڭ تاماشا اۋەنىنە ەلتىپ، كەزەگىندە ءوز ونەرلەرىن دە ورتاعا سالىپ، زامانداستارىمەن قاۋىشىپ، ماز-مەيرام بولدى.
مەرەكەلىك ءىس -شاراعا جينالعان بالالاردى الماتى قالاسى اكىمى جانىنداعى ايەلدەر ءىسى، وتباسى جانە دەموگرافيالىق ساياسات جونىندەگى حاتشىسى گۇلنارا ءامىروۆا قۇتتىقتاپ، قالامىزدا مۇمكىندىگى شەكتەۋلى جاندار ءۇشىن جاسالىپ جاتقان قامقورلىقتارعا، ولاردىڭ دامۋى مەن دەنساۋلىعىن جاقسارتۋ بارىسىندا اتقارىلىپ جاتقان شارالارعا توقتالىپ، وسى يگىلىكتەردىڭ بارلىعى بالالاردىڭ باقىتى ءۇشىن جاسالىپ جاتقانىن، الماتى قالاسىنىڭ تەڭ مۇمكىندىكتەر قالاسى ەكەندىگىن اتاپ ءوتتى. باۋىر ەتى بالالارىنىڭ باسىنا تۇسكەن اۋىرتپالىقتى مويىماي ارقالاپ جۇرگەن اتا -انالارعا العىس ايتىپ، توزىمدىلىك تىلەدى.
مەرەكەلىك ءىس شارا بارىسىندا بالالارعا ولاردىڭ دامۋىنا سەپتىگى تيەر ويىنشىقتار، كىتاپتار، بوياۋ داپتەرلەر سىيعا تارتىلدى. جاقسىلىق پەن مەيىرىمدىلىكتى اجىراتا بىلەتىن بالا كوڭىل «جۇلدىز» مەيرامحاناسىنىڭ باسشىسى ساۋلە سۇلەيمەنوۆا اپايلارى جايعان ءدامدى داستارحان مەن سانا جانداي اپايلارى تاڭداپ اكەلگەن سىيلىقتارعا ريزاشىلىقتارىن ءبىلدىردى. اتا-انالار مۇمكىندىگى شەكتەۋلى بالالارىن نازاردان تىس قالدىرماي قۋانىش سىيلاي بىلگەن كوميسسيا مۇشەلەرىنە، وسى شاراعا دەمەۋشىلىك جاساعان « جۇلدىز»، الماتى كىلەم، «ADANAS» ج ش س، «الاتاۋ» مەديسسينالىق-الەۋمەتتىك ورتالىعىنا، «گۇلدەن ساۋدا» جانە قازاقستان مەديا جەلىسى باسشىلارىنا العىستارىن ءبىلدىردى.