قازاقستاندا جاڭا وڭدەۋ كاسىپورىندارى قۇرىلادى
ق ر يندۋستريا جانە ينفراقۇرىلىمدىق دامۋ مينيسترلىگى ۇكىمەتكە مامىر ايىندا جاڭادان ءوندىرىس وشاقتارىن قۇرۋدى ىنتالاندىرۋعا باعىتتالعان شارالار كەشەنىن ۇسىندى. بۇل تۋرالى ۆەدومستۆو باسشىسى قايىربەك وسكەنبايەۆ مالىمدەدى، دەپ حابارلايدى Almaty-akshamy.kz
ول ەلىمىزدىڭ تاۋ-كەن مەتاللۋرگيا كاسىپورىندارىمەن جۇمىس باستالىپ كەتكەنىن ايتادى. وندا نەگىزگى جوبالاردىڭ قاتارىنا 12 ءوندىرىس كىرگەن. ولار اككۋمۋلياتورلار، اليۋمينيي رادياتورلارى، پروفيلدەر، كولىك ديسكىلەرى جانە ازىق-تۇلىك قالبىرلارىن شىعارۋمەن اينالىسادى. مينيستر بۇگىندە الەمدە نەگىزگى مەتالدارعا دەگەن سۇرانىس ءوسىپ كەلە جاتقانىن اتاپ ءوتتى.
«ەلىمىزدە ەكسپورتقا باعىتتالعان سازبالشىق جانە مىس كونسەنتراتى بويىنشا ۇلكەن شيكىزات الەۋەتى بار. ءقازىر ەل ىشىندە وندىرىلەتىن بارلىق سازبالشىق پەن مىس كونسەنتراتىن وڭدەيتىن جاڭا ەلەكتروليز جانە مىس بالقىتۋ زاۋىتىن قۇرۋ ماسەلەسىن پىسىقتاپ جاتىرمىز. بۇل باستاپقى مەتالدار ءوندىرىسىنىڭ كولەمىن ۇلعايتۋعا، ورتا جانە ۇزاق مەرزىمدى پەرسپەكتيۆادا وتاندىق قايتا وڭدەۋشىلەر شيكىزاتىنىڭ قاجەتتى كولەمىمەن قامتاماسىز ەتۋگە، سونداي-اق ولاردى وتكىزۋدەن تۇسەتىن ەكسپورتتىق پايدانى ۇلعايتۋعا مۇمكىندىك بەرەدى»، - دەيدى ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ.