قازاقستان نانى ارزاندىعى جاعىنان الەمدە ءتورتىنشى ورىندا.
العاشقى ءۇش ورىندا تۋنيس، الجير جانە ليۆيا ەلدەرى تۇر. ولاردا ناننىڭ قۇنى - 0،14، 0،16، 0،34 دوللار. ال قازاقستاندا نان 0،36 دوللار (شامامەن 165 تەڭگە) تۇرادى. بۇل رەيتينگتە وزبەكستان نان قۇنى 0،37 دوللارمەن بەسىنشى ورىندا، دەپ حابارلايدى Almaty-akshamy.kz.Elorda.info سايتىنا سىلتەمە جاساپ.
Energyprom.kz پورتالىنىڭ رەيتينگىندە باعالارى الدەقايدا جوعارى دامىعان ەلدەر كوش باستاپ تۇر. نان يسلانديادا - 2،93، شۆەيساريادا - 3،21، اقش-تا - 3،27 دوللار تۇرادى.
ءبىر جىلدا ەلىمىزدە نان 19،2 پايىزعا قىمباتتاعان. باعا جوعارى ساپالى ۇننان جاسالعان بيداي نانىنىڭ ەڭ جوعارى كوتەرىلگەنى – 27،8%-عا، 1 كگ 348 تەڭگەگە دەيىن. ءبىرىنشى سۇرىپتى ۇننان جاسالعان نان 13،9%-عا، 196 تەڭگەگە، قارا بيداي ۇنى قوسىلعان نان 26،5%-عا قىمباتتاپ، 435 تەڭگەگە جەتكەن.