قورىق اۋماعىنا كىرۋگە تىيىم سالىندى.
وعان سەبەپ - الماتى مەملەكەتتىك تابيعي قورىعى اۋماعىندا بيىكتىگى 1،5 مەتر، ۇزىندىعى 15 مەترگە دەيىن جەتەتىن قار كوشكىنىنىڭ ءجۇرۋى. مەملەكەتتىك ينسپەكتورلار جولداردى قاردان تازالاۋ جۇمىستارىن جۇرگىزۋدە، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2023 جىلعى 24 اقپاندا الماتى مەملەكەتتىك تابيعي قورىعى تالعار بولىمشەسىنىڭ وڭ جانە سول تالعار شاتقالىنىڭ بويىمەن قىزمەت كوردوندارىنا قاتىناساتىن ءورت قاۋىپسىزدىگى جولدارىنا بىرنەشە جەردەن بيىكتىگى 1،5 مەتر ەنى 15 مەتر بولاتىن قار كوشكىنى ءتۇستى. مەملەكەتتىك ينسپەكتورلاردىڭ كۇشىمەن قاردى اشۋ جۇمىستارى جۇرگىزىلۋدە. وسىعان بايلانىستى قورىق اۋماعىنا بوگدە ادامداردىڭ كىرىپ-شىعۋىنا تىيىم سالىنادى»،- دەلىنگەن حابارلامادا.
بۇعان دەيىن قالالىق توتەنشە جاعدايلار دەپارتامەنتى ۇلكەن جانە كىشى الماتى وزەندەرىندە قار كوشكىنى ءقاۋپى ساقتالاتىنى تۋرالى ەسكەرتكەن ەدى.