اسكەري كافەدرانى بيىل اياقتاعاندار 2 جىلعا اسكەري قىزمەتكە شاقىرىلادى. قارۋلى كۇشتەردىڭ باس شتابى ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى، پولكوۆنيك باۋىرجان ارتىقوۆ وسىلاي دەپ مالىمدەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
وكق-دا جۋرناليست «زاپاستاعى وفيسەرلەردى قىزمەتكە شاقىرتۋ جوسپارلانعان. وسى جىلى اسكەري بيلەت الاتىندار وعان تارتىلا ما؟» دەپ سۇرادى.
ارتىقوۆتىڭ ايتۋىنشا، بيىل زاپاستاعى وفيسەرلەردى شاقىرۋ كوزدەلىپ وتىر.
بيىل جوعارى وقۋ ورىندارىندا «لەيتەنانت» اتاعىن الاتىن ستۋدەنتتەر دە بۇدان حاباردار. ويتكەنى ءبىز جوعارى وقۋ ورىندارىمەن تىعىز بايلانىستامىز. ولار وتان الدىنداعى بورىشىن 2 جىل وتەيدى. ءبىلىم ورداسىندا اسكەر كافەدرانى اياقتاعان سوڭ، ستۋدەنت ناقتى ماماندىق الىپ شىعادى سول ارقىلى ءبىز كۇشتىك قۇرىلىمداردى تولىقتىرامىز، – دەپ جاۋاپ بەردى پولكوۆنيك.