قاسىم-جومارت توقايەۆ پەن ۆو ۆان تحىونگ حايزىونگ پروۆينسياسىندا ورنالاسقان كەراميكا بۇيىمدارىن شىعاراتىن چۋ داو دەريەۆنياسىنا بىرگە باردى.
ەكى ەل باسشىلارى دايىن ونىمدەردى قاراپ كورىپ، كەراميكا بۇيىمدارىن دايىنداۋ پروسەسىمەن تانىستى. سودان كەيىن پرەزيدەنتتەر ارناۋلى ستانوكتا قىش قۇمىرا جاساپ كوردى، دەپ حابارلايدى Almaty-akshamy.kz.
قازاقستان مەن ۆەتنام پرەزيدەنتتەرى دەريەۆنيانى ارالاپ كورگەننەن كەيىن دايىن ونىمدەرگە جانە قۇرمەتتى قوناقتار كىتابىنا قولتاڭبالارىن قالدىردى. چۋ داو – تاريحى ءبىزدىڭ ءداۋىرىمىزدىڭ XII عاسىرىنان باستاۋ الاتىن كەراميكا بۇيىمدارىن دايىنداۋدىڭ كونە ۆەتنامدىق ءادىسى. بۇل قولونەر XIV-XV عاسىرلاردا دامىپ، XVII عاسىردا جوعالىپ كەتكەن. الايدا 1980-جىلدارى ىستانبۇلداعى توپكاپى مۋزەيىنەن چۋ داو شەبەرىنىڭ قولىنان شىققان قۇمىرا تابىلدى. 2001 جىلى حانوي ساۋدا كورپوراسياسى وسى ەجەلگى قولونەردى قايتا جاڭعىرتىپ، كونە تەحنولوگيا نەگىزىندە تولىققاندى ءوندىرىستى جولعا قويدى.