الماتى اكىمدىگىندە بيۋدجەت قارجىسىنا ىسكە اسىرىلاتىن پروبلەمالىق نىساندار قۇرىلىسىنىڭ بارىسى تەكسەرىلدى  

الماتى اكىمىنىڭ ورىنباسارى اسقار ءامرين اكىم ەربولات دوسايەۆتىڭ تاپسىرماسى بويىنشا بالالار اۋرۋحاناسىن، مەكتەپتەر مەن ليسەيلەردى قوسقاندا، بيۋدجەت قارجىسىنا ىسكە اسىرىلاتىن پروبلەمالىق قۇرىلىس جانە رەكونسترۋكسيالاۋ نىساندارىن ارالاپ شىقتى، دەپ حابارلايدى Almaty-akshamy.kz. 

 ءبىرىنشى نىسان شجق «بالالار شۇعىل مەديسينالىق كومەك ورتالىعى» مكك بولدى.

اسقار امرين 2021 جىلدىڭ 21 شىلدەسىندە باستالعان وسى اۋرۋحانانىڭ وپەراسيالىق بلوگى بار قابىلداۋ بولىمشەسىنىڭ كورپۋسىن سالۋ بويىنشا جۇرگىزىلىپ جاتقان جۇمىستاردىڭ بارىسىمەن تانىستى.

مەردىگەر ۇيىم «اق ورداسى كورپوراسياسى» ج ش س بولىپ تابىلادى. باستاپقىدا مەرزىمى 2022 جىلدىڭ 30 قىركۇيەگىندە دەلىنگەن.

مەرزىمدەردىڭ ۇزارتىلۋىنا قاراماستان، مەردىگەر وسى ۋاقىتقا دەيىن جۇمىستاردى اياقتاعان جوق. وسىعان بايلانىستى اكىمدىك مەردىگەر ۇيىمعا قاتىستى سوتقا تالاپ ارىز بەردى. الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 3 شىلدەدەگى شەشىمىمەن «اق ورداسى كورپوراسياسى» ج ش س مەملەكەتتىك ساتىپ الۋدىڭ جاۋاپسىز قاتىسۋشىسى بولىپ تانىلدى، مەملەكەت پايداسىنا 12،3 ملن تەڭگە سوماسىندا تۇراقسىزدىق ايىبى ءوندىرىلدى.

بۇدان باسقا، مەردىگەرلىك ۇيىمعا قاتىستى «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 312-بابىنىڭ 2-تارماعىنا سايكەس قۇرىلىس-مونتاجداۋ جۇمىستارىنا ليسەنزيانىڭ ءبىر كىشى تۇرىنەن ايىرا وتىرىپ، ايىپپۇل سالۋ تۇرىندە شارالار قابىلداندى.

بۇگىنگى تاڭدا عيمارات قاڭقاسى، شاتىر، سىرتقى قابىرعالار مەن بولىمدەردى قالاۋ، تەرەزە بلوكتارى جانە ءبىرىنشى ارلەۋ جۇمىستارى اياقتالدى. ينجەنەرلىك كوممۋنيكاسيالار، ليفتىلەردى ورناتۋ، قاسبەت، ارلەۋ، اباتتاندىرۋ بويىنشا جۇمىستار اياقتالىپ كەلەدى. نىسان 85% دايىن. قاجەتتى جابدىقتى ساتىپ الۋ - 96%. قۇرىلىس-مونتاجداۋ جۇمىستارى اياقتالعان كەزدە قازىرگى ۋاقىتتا ساتىپ الىنعان جانە قويمالاردا ورنالاسقان جابدىق ورناتىلادى.

قۇرىلىس سالۋشىعا وسى نىسان بويىنشا جۇمىستاردى 2023 جىلدىڭ قىركۇيەك ايىنىڭ سوڭىنا دەيىن اياقتاۋ تاپسىرىلدى.

جۇمىس ساپارى بارىسىندا الماتى قالاسى اكىمىنىڭ ورىنباسارى اسقار ءامرين №9 مەكتەپ-ينتەرناتقا قوسىمشا قۇرىلىس بويىنشا جۇرگىزىلىپ جاتقان جۇمىستاردىڭ بارىسىمەن تانىستى.

وسى نىسان بويىنشا قۇرىلىس-مونتاج جۇمىستارى 2021 جىلدىڭ شىلدەسىندە باستالىپ، بىلتىر قاراشا ايىندا اياقتالۋى ءتيىس بولاتىن. «Barat & Co» ج ش س مەردىگەرلىك ۇيىمىنا قاتىستى جۇمىس ءوندىرىسىنىڭ بۇزىلۋى جانە ساپاسىز ماتەريالداردى قولدانۋ فاكتىلەرى بويىنشا 2022 جىلعى جەلتوقساندا الماتى اكىمدىگى سوتقا تالاپ ارىز بەردى.

الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 26 ماۋسىمداعى №7527-23-00-2/3201 شەشىمىمەن «Barat & Co» ج ش س مەردىگەرىنە 6،5 ملن تەڭگە ايىپپۇل سالىندى.

بۇگىنگى تاڭدا نىسان 99% دايىن. ينجەنەرلىك جەلىلەردى قۇرىلىس الاڭىنىڭ استىنان، سىرتقى قابىرعالار مەن ىشكى بولىمدەردەن كوشىرۋ بويىنشا جۇمىستار اياقتالدى، ارلەۋ جۇمىستارى، تەرەزە بلوكتارى، شاتىر، سىرتقى قاسبەت جانە اۋماقتىڭ پەريمەترى بويىنشا قورشاۋلار ورناتىلدى، سۋمەن جابدىقتاۋ، سۋ بۇرۋ جانە جىلۋمەن جابدىقتاۋدىڭ ينجەنەرلىك جەلىلەرى قوسىلدى.

مەردىگەر ۇيىمدارعا 2023-2024 جاڭا وقۋ جىلىنا بارلىق جۇمىستاردى اياقتاۋ تاپسىرىلدى.

الماتى اكىمى ورىنباسارىنىڭ تاعى ءبىر نىسانى №48 مەكتەپ-ليسەي بولدى. الماتى اسقار ءامرين 2021 جىلدىڭ شىلدەسىندە باستالعان وسى وقۋ ورنىنىڭ عيماراتىن قايتا جاڭارتۋ بويىنشا جۇرگىزىلىپ جاتقان جۇمىستاردىڭ بارىسىمەن تانىستى.

قۇرىلىستىڭ نورماتيۆتىك مەرزىمى - 10 اي. قۇرىلىس ماتەريالدارىنىڭ قىمباتتاۋىنا بايلانىستى 2022 جىلى جوبالاۋ-سمەتالىق قۇجاتتاماعا تۇزەتۋ ەنگىزىلدى. جۇمىستىڭ اياقتالۋ مەرزىمى 2023 جىلدىڭ 31 قاڭتارىنا دەيىن ۇزارتىلدى. «ريگوليت» ج ش س مەردىگەرلىك ۇيىمىنا قاتىستى مىندەتتەمەلەردىڭ ساپاسىز ورىندالۋىنا بايلانىستى سوتقا تالاپ ارىز بەرىلدى. قازىرگى ۋاقىتتا سوت ءجۇرىپ جاتىر.

بۇگىندە نىساننىڭ دايىندىعى 99%. 1 جانە 2 بلوكتار بويىنشا عيماراتتاردى سەيسميكالىق كۇشەيتۋ جۇمىستارى جۇرگىزىلدى، ىشكى ينجەنەرلىك جەلىلەر اۋىستىرىلدى، ىشكى جانە سىرتقى ارلەۋ جۇمىستارى اياقتالدى. 3، 4، 5 بلوكتار بويىنشا بارلىق ءمونوليتتى جۇمىس اياقتالدى، ينجەنەرلىك جەلىلەر جۇرگىزىلىپ، قوسىلدى، عيماراتتىڭ شاتىرى مەن تەرەزە بلوكتارى ورناتىلدى، ىشكى ارلەۋ جۇمىستارى جۇرگىزىلدى. 3، 4، 5 بلوكتاردى سىرتقى ارلەۋ، اۋماقتى اباتتاندىرۋ جانە جابدىقتى پايدانالۋ بويىنشا جۇمىستار جۇرگىزىلۋدە.

وقۋ جىلىنىڭ باسىندا نىساندى پايدالانۋعا بەرۋ جوسپارلانىپ وتىر.

سونىمەن قاتار، الماتى قالاسىنىڭ بوستاندىق اۋدانىنداعى №145 جالپى ءبىلىم بەرەتىن مەكتەپ عيماراتىنىڭ دايىندىعى بۇگىندە 85%. عيمارات قۇرىلىمدارىن سەيسميكالىق كۇشەيتۋ، ىشكى بولىمدەر مەن تەرەزە بلوكتارىن ورناتۋ جۇمىستارى اياقتالدى، ىشكى ينجەنەرلىك ينفراقۇرىلىم جۇرگىزىلدى، ءبىراق ىشكى ارلەۋ جانە قاسبەتتىك جۇمىستار جالعاسۋدا. بۇل تۋرالى الماتى قالاسىنىڭ اكىمى اسقار امرينگە بيۋدجەت قاراجاتى ەسەبىنەن ىسكە اسىرىلاتىن قۇرىلىس نىساندارىن ارالاۋ بارىسىندا مەردىگەر ۇيىمنىڭ وكىلدەرى باياندادى.

نىساندى قالپىنا كەلتىرۋ جۇمىستارىمەن جانە كۇردەلى جوندەۋمەن سەيسميكالىق كۇشەيتۋ جۇمىستارى 2021 جىلدىڭ 12 شىلدەسىندە باستالدى.  قۇرىلىستىڭ اياقتالۋ مەرزىمى - 2023 جىلعى 30 قاڭتار.

2023 جىلدىڭ اقپان ايىندا الماتى قالاسىنىڭ اكىمدىگى «اق ورداسى كورپوراسياسى» ج ش س مەردىگەرلىك ۇيىمىنا سوتقا تالاپ ارىز بەردى. سوت شەشىمىمەن «اق ورداسى كورپوراسياسى» جشس-نە 3،5 ملن تەڭگە كولەمىندە ايىپپۇل سالىندى، مەملەكەتتىك ساتىپ الۋعا جاۋاپسىز قاتىسۋشى دەپ تانۋدان باس تارتىلدى. اپەللياسيالىق سوتتىڭ قاۋلىسىمەن شەشىم وزگەرىسسىز قالدى.

مەردىگەر ۇيىمعا نىسان بويىنشا جۇمىستاردى 2023 جىلدىڭ 20 قىركۇيەگىنە دەيىن اياقتاۋ تاپسىرىلدى.

الماتى اكىمىنىڭ ورىنباسارى اسقار ءامرين جۇمىس ساپارى بارىسىندا تۇركسىب اۋدانىنداعى جاس قانات شاعىن اۋدانىنا باردى.

مۇندا اۋدانى 163 098 ش.م. 41 ءۇيدىڭ (3 116 پاتەر) قۇرىلىس-مونتاجداۋ جۇمىستارى جالعاسۋدا. 31 ءۇي نەمەسە اۋدانى 122 859 ش. م. 2 344 پاتەر پايدالانۋعا بەرىلدى. 2023 جىلدىڭ سوڭىنا دەيىن تاعى 5 ءۇي نەمەسە 473 پاتەر (22 مىڭ ش. م.) پايدالانۋعا بەرۋ كوزدەلگەن. سونىمەن بىرگە، سالىنىپ جاتقان ۇيلەرگە ىرگەلەس اۋلالاردى اباتتاندىرۋ جۇمىستارى جۇرگىزىلۋدە. بۇل تۋرالى الماتى قالاسىنىڭ اكىمى اسقار امرينگە قۇرىلىس نىساندارىن ارالاۋ بارىسىندا مەردىگەر ۇيىمنىڭ وكىلدەرى باياندادى.

ايتا كەتۋ كەرەك، ۇيلەر 2022 جىلدىڭ جەلتوقسانىندا پايدالانۋعا بەرىلۋگە ءتيىس ەدى. جۇمىستاردىڭ جاۋاپسىز ورىندالۋىنا بايلانىستى، تاپسىرۋ مەرزىمىنىڭ ەداۋىر كەشىكتىرىلۋىنە اكەپ سوقتىرعان «ريگوليت» ج ش س، «كاپيتالپروەكت گرۋپپ» ج ش س، «حاديت» ج ش س، «پرومكومپلەكت» ج ش س، «شاح» ج ش س جانە «ۆك-ساپا قۇرىلىس» ج ش س مەردىگەرلىك ۇيىمدارىنا ولاردى مەملەكەتتىك ساتىپ الۋعا جاۋاپسىز قاتىسۋشىلار دەپ تانۋ تۋرالى تالاپ ارىزدار بەرىلدى. قازىرگى ۋاقىتتا سوت ءجۇرىپ جاتىر.

اباتتاندىرۋ جوباسىمەن 12 اۋلانى اباتتاندىرۋ كوزدەلگەن. اباتتاندىرۋ نىساندارى 60%-عا دايىن.

قازىرگى تاڭدا 8 اۋلا بويىنشا جۇمىستار جۇرگىزىلۋدە، اۋلالاردى اسفالتتاۋ جانە شاعىن ساۋلەت نىساندارى ورناتۋ اياقتالدى. بيىل 10 قىركۇيەككە دەيىن قالعان شاعىن ساۋلەت نىساندارىن ورناتۋ جانە كوگالداندىرۋ جۇمىستارى بىتەدى. قالعان 4 اۋلا بويىنشا جۇمىستار 15 قىركۇيەكتە باستالىپ، 2023 جىلدىڭ قاراشاسىندا اياقتالادى.

مەردىگەر ۇيىمعا جۇمىس قارقىنىن جەدەلدەتۋ تاپسىرىلدى.