الماتى قالاسى اكىمىنىڭ ورىنباسارى اسقار ءامرين بيۋدجەت قارجىسى ەسەبىنەن ىسكە اسىرىلاتىن پروبلەمالىق قۇرىلىس جانە رەكونسترۋكسيالاۋ نىساندارىن ارالاپ كوردى.
ول 2021 جىلدىڭ 21 شىلدەسىندە باستالعان شجق «بالالار شۇعىل مەديسينالىق كومەك ورتالىعى» مكك ءۇشىن وپەراسيالىق بلوگى بار قابىلداۋ بولىمشەسىنىڭ كورپۋسىن سالۋ بويىنشا جۇرگىزىلىپ جاتقان جۇمىستىڭ بارىسىمەن تانىستى، دەپ حابارلايدى Almaty-akshamy.kz.
مەردىگەر ۇيىم «اق ورداسى كورپوراسياسى» ج ش س بولىپ تابىلادى. باستاپقىدا اياقتالۋ مەرزىمى 2022 جىلدىڭ 30 قىركۇيەگىندە دەپ بەلگىلەنگەن.
مەرزىمنىڭ ۇزارتىلۋىنا قاراماستان مەردىگەر وسى ۋاقىتقا دەيىن جۇمىستى اياقتاعان جوق. وسىعان بايلانىستى اكىمدىك مەردىگەر ۇيىمعا قاتىستى سوتقا تالاپ ارىز بەردى. الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلعى 3 شىلدەدەگى شەشىمىمەن «اق ورداسى كورپوراسياسى» ج ش س مەملەكەتتىك ساتىپ الۋدىڭ جاۋاپسىز قاتىسۋشىسى بولىپ تانىلدى، مەملەكەت پايداسىنا 12،3 ملن تەڭگە سوماسىندا تۇراقسىزدىق تولەمى ءوندىرىلدى.
بۇعان قوسا، مەردىگەرلىك ۇيىمعا قاتىستى «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 312-بابىنىڭ 2-تارماعىنا سايكەس قۇرىلىس-مونتاجداۋ جۇمىستارىنا ليسەنزيانىڭ ءبىر كىشى تۇرىنەن ايىرا وتىرىپ، ايىپپۇل سالۋ تۇرىندە شارالار قابىلداندى.
قازىرگى تاڭدا عيماراتتىڭ قاڭقاسى، شاتىرى، سىرتقى قابىرعالار مەن بولىمدەردى قالاۋ، تەرەزە بلوكتارى مەن ءبىرىنشى ارلەۋ جۇمىستارى ءبىتتى. ينجەنەرلىك كوممۋنيكاسيالار، ليفتىلەردى ورناتۋ، قاسبەت، ارلەۋ، اباتتاندىرۋ بويىنشا جۇمىستار اياقتالىپ كەلەدى. نىسان 85% دايىن. قاجەتتى جابدىقتى ساتىپ الۋ – 96%. قۇرىلىس-مونتاجداۋ جۇمىستارى اياقتالعان كەزدە قازىرگى ۋاقىتتا ساتىپ الىنعان جانە قويمالاردا ورنالاسقان جابدىق ورناتىلادى.
قۇرىلىس سالۋشىعا وسى نىسان بويىنشا جۇمىستاردى 2023 جىلدىڭ قىركۇيەك ايىنىڭ سوڭىنا دەيىن اياقتاۋ جۇكتەلدى.