قازاقستان مەن تۇركيا بىرلەسىپ تاريحي سەريال ءتۇسىرۋدى جوسپارلاپ وتىر

قازاقستان مەن تۇركيا كينويندۋسترياسى سالاسىنداعى ىنتىماقتاستىقتى نىعايتپاق

ەكى ەل ماماندارى بىرلەسىپ ءبىرقاتار تاريحي سەريال ءتۇسىرۋدى جوسپارلاپ وتىر. مۇنداي شەشىم ىستامبۇلدا وتكەن قورقىت اتا تۇركى الەمى كينوفەستيۆالىندە قابىلداندى، Almaty-akshamy.kz 

كينوفەستيۆالدە بىرنەشە قازاقستاندىق كينوتۋىندى كورەرمەن نازارىنا ۇسىنىلادى. سونىڭ ىشىندە رۇستەم ابدىراشيەۆتىڭ «قازاق حاندىعى: التىن تاق» تاريحي تۋىندىسى فەستيۆالدىڭ باس جۇلدەسى ءۇشىن تالاسادى. 

«التىن تاق» – قازاق حاندىعى تۋرالى تۇسىرىلگەن ەكىنشى فيلم. ءبىز ونى فەستيۆالدە العاش رەت  كورسەتتىك. مەنىڭ ويىمشا، كەلەشەكتە بۇل كينومەن تاعى ءبىرقاتار بايقاۋعا قاتىسامىز. وتاندىق كينو يندۋسترياسىن قولداۋ قاجەت»، - كينورەجيسسەر رۇستەم ابدىراشيەۆ.

كۇللى تۇركى الەمىنىڭ اقساقالى قورقىت بابامىزدى ۇلىقتاعان كينوفەستيۆالگە بىرنەشە مەملەكەتتىڭ تانىمال اكتەر، رەجيسسەر جانە پروديۋسەرلەرى جينالدى. تۇركيانىڭ مادەنيەت جانە تۋريزم ءمينيسترى مەحمەت نۋري ەرسوي شارا تۇركى جۇرتىنىڭ مادەني ىنتىماقتاستىعىنىڭ دۇرىس باعىتتا دامىعانىن كورسەتەدى دەپ اتاپ ايتتى.

«ىنتىماعى جاراسقان، ءتۇبى ءبىر تۇركى مەملەكەتتەرى اراسىنداعى ورتاق جەتىستىكتەر ءبىزدىڭ باستى باعىتىمىز بولىپ قالا بەرەدى. ءبىزدىڭ كينويندۋستريا سالاسىندا كۇش بىرىكتىرۋىمىز  حالىقارالىق كەڭىستىككە ساپالى جۇمىستار ۇسىنىپ، تاريحىمىزدى ناسيحاتتاۋعا مۇمكىندىك بەرەدى»، - تۇركيانىڭ مادەنيەت جانە تۋريزم ءمينيسترى مەحمەت نۋري ەرسوي.