مينيسترلىكتىڭ حابارلاۋىنشا، تاراپتار بىرلەسكەن ءوندىرىس قۇرۋ مەن تەحنولوگيالار ترانسفەرتىن قۇرۋ مۇمكىندىكتەرىن تالقىلادى.

سونداي-اق ەكى ەل قازاقستان مەن TAI كومپانياسى اراسىنداعى ىنتىماقتاستىق پەرسپەكتيۆالارى، سونىڭ ىشىندە كومپانيانىڭ ماشينا جاساۋ، ونەركاسىپ جانە اەروعارىش سالاسىنداعى جوبالارعا قاتىسۋى جايى ءسوز بولدى.

قازاقستان پرەمەر-مينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى Turkish Aerospace Industries (TAI) اەروعارىش جانە قورعانىس-ونەركاسىپ كومپانياسىنىڭ باس ديرەكتورى تەمەل كوتيلمەن كەزدەسۋ وتكىزدى، دەپ حابارلايدى Almaty-akshamy.kz ق ر ءسىم باسپا ءسوز قىزمەتىنە سىلتەمە جاساپ.

تەمەل كوتيل بىرلەسكەن ينۆەستيسيالىق جوبالاردى جۇزەگە اسىرۋ مۇمكىندىگىن اتاپ ءوتىپ، ەكىجاقتى ىنتىماقتاستىققا قىزىعۋشىلىعىن ءبىلدىردى.
كەزدەسۋ قورىتىندىسى بويىنشا جەمىستى ىنتىماقتاستىقتى جالعاستىرۋ تۋرالى ۋاعدالاستىققا قول جەتكىزىلدى.

TAI  وزىندىك ينتەگراسيالانعان جۇيەلەردى جوبالاۋمەن، ازىرلەۋمەن جانە وندىرۋمەن اينالىساتىن جەتەكشى تۇرىك اەروعارىشتىق كومپانياسى بولىپ تابىلادى.

كومپانيا بىرەگەي جابدىقتىڭ ءىرى حالىقارالىق وندىرۋشىلەر ءۇشىن وندىرىستىك الاڭ بولىپ تابىلادى جانە 5 نەگىزگى بيزنەس-سەگمەنتتەردە جۇمىس ىستەيدى: ۇشاقتار، تىكۇشاقتار، پيلوتسىز ۇشۋ اپپاراتتارى، عارىش جۇيەلەرى، اەروقۇرىلىمدار.