وسى كەزگە دەيىن قالامىزدا ۆاكسينانىڭ تولىق دوزاسىن 313 491 ادام العان. الماتىنىڭ وزگە وڭىرلەرگە قاراعاندا، ەكپە سالدىرۋدان الدا تۇرعانىن بۇرىن دا حابارلاعانبىز.
بۇل تۋرالى اقپارات بەرگەن قالالىق قوعامدىق دەنساۋلىق ساقتاۋ باسقارماسىنىڭ مالىمەتى بويىنشا، ۆاكسينا العانداردىڭ ىشىندە 60 جاستان اسقان قارت كىسىلەردىڭ سانى - 81 202، دەپ حابارلايدى Almaty-akshamy.kz
«2 شىلدە كۇنى 15 292 الماتىلىق ۆاكسينا سالدىردى. بيىلعى جىلدىڭ 1 اقپانى مەن 2 شىلدەسى ارالىعىندا قالادا ۆاكسينانىڭ تولىق دوزاسىن 313 491 ادام الدى»، - دەپ حابارلادى باسقارما.
قالادا 211 پۋنكت جۇمىس ىستەپ تۇر. 1 257 ادامنان تۇراتىن 304 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى.
«قازىرگى مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسينالاۋ پۋنكتى جۇمىس ىستەيدى»، - دەلىنگەن دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان حابارلامادا.