كريمينالدىق پوليسيانىڭ مالىمەتىنشە، 27 جاستاعى م.ەسىمدى ازامات زاڭسىز ىس-ارەكەتىن قالانىڭ تۇركسىب اۋدانىندا ورنالاسقان ءوز ۇيىندە جاساعان.
ۇرلانعان تەلەفونداردىڭ IMEI كودتارىن بۇزعان پروگرامميستى الماتى پوليسيا ۇستادى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
«كۇدىكتىنىڭ تۇرعىلىقتى جەرىن رۇقسات ەتىلگەن ءتىنتۋ كەزىندە 42 قولدانىلعان ۇيالى تەلەفوندار، نوۋتبۋك، ەكى پلانشەت جانە ءبىر جەكە كومپيۋتەر تابىلدى جانە تاركىلەندى، ولاردىڭ كومەگىمەن كۇدىكتى ابونەنتتىك قۇرىلعىنىڭ سايكەستەندىرۋ كودتارىن (يمەي) وزگەرتتى. سونىمەن قاتار، قاسكۇنەم ءوزىنىڭ قىلمىستىق ماقساتىن جۇزەگە اسىرۋ ءۇشىن ارنايى كومپيۋتەرلىك باعدارلامانى قولدانعانى انىقتالدى. ۇستالعان ادامنىڭ ىس-ارەكەتى ق ر قك-نىڭ 213-بابىنا سايكەس كۆاليفيكاسيالانعان. تاركىلەنگەن ساندىق قۇرىلعىلاردىڭ شىن يەلەرىن انىقتاۋ بويىنشا جەدەل ءىس-شارالار قابىلدانۋدا»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.