ق ر كولىك مينيسترلىگى اۆتوموبيل جولدارى كوميتەتى ءتوراعاسىنىڭ ورىنباسارى انار عابدۋللينا قازاقستاندىق دەلەگاسيا قۇرامىندا «قازاقستان-تيۋرينگيا» دوڭگەلەك ۇستەلىنىڭ جۇمىسىنا قاتىستى.
ونەركاسىپ جانە قۇرىلىس ۆيسە-مينيسترى ولجاس ساپاربەكوۆ باستاعان قازاقستاندىق دەلەگاسيانىڭ قۇرامىنا ق ر كولىك مينيسترلىگىنىڭ، قاراعاندى قالاسى اكىمدىگىنىڭ، «QazIndustry قازاقستاندىق يندۋستريا جانە ەكسپورت ورتالىعى» اق، «Kazakh Invest ۇك» اق، «قازاۆتوجول» ۇك» اق، Qaz Textile Industry اق جانە «قازاقستان رەسپۋبليكاسىنىڭ جەڭىل ونەركاسىپ كاسىپورىندارىنىڭ قاۋىمداستىعى» زتب وكىلدەرى مەن وتاندىق ءبىرقاتار ءىرى كومپانيا وكىلدەرى كىردى، دەپ حابارلايدى Almaty-akshamy.kz.
ءىس-شارانىڭ قورىتىندىسى بويىنشا قازاقستان مەن تيۋرينگيا كومپانيالارى اراسىندا جول ينفراقۇرىلىمىن دامىتۋ جانە كارتوگرافيالىق دەرەكتەردى جيناۋ سالاسىنداعى، سونداي-اق تۇرعىن ۇي-كوممۋنالدىق شارۋاشىلىق سەكتورىنداعى ەنەرگيا تيىمدىلىگى سالاسىنداعى ىنتىماقتاستىق تۋرالى ءبىرقاتار مەموراندۋم مەن كەلىسىمگە قول قويىلدى. اتاپ ايتقاندا، بۇل قۇجاتتار ەلىمىزدىڭ جولدارىندا جوعارى جىلدامدىقتى كوپفۋنكسيونالدى ولشەۋ جۇيەسىن پايدالانۋ ارقىلى جولداردىڭ جاي-كۇيىن تىركەۋ جانە باعالاۋ ماسەلەلەرىن قامتيدى. جالپى تاراپتار قازاقستان رەسپۋبليكاسىنىڭ جول ينفراقۇرىلىمىن دامىتۋ ماسەلەلەرى بويىنشا ىنتىماقتاستىقتى ودان ءارى دامىتۋعا نيەتتى ەكەندەرىن ايتىپ جەتكىزدى.
ايتا كەتەرلىگى، وتكەن جىلى ءساۋىر ايىندا تيۋرينگيا دەلەگاسياسى قازاقستانعا كەلگەن بولاتىن. جالپى ەكى تاراپ بۇرىن-سوڭدى قول جەتكىزىلگەن ۋاعدالاستىقتاردى جۇزەگە اسىرىپ، ىنتىماقتاستىقتىڭ جاڭا مۇمكىندىكتەرىن انىقتاۋ بويىنشا بىرلەسكەن جۇمىستى ودان ءارى جالعاستىرۋعا مۇددەلى ەكەندىكتەرىن ءبىلدىردى.