قازاقستاننىڭ ەڭ بەدەلدى Ticketon Awards جەڭىمپازدارى انىقتالدى، دەپ حابارلايدى Almaty-akshamy.kz
قازاقستانداعى مادەنيەت، ونەر جانە سپورت سالاسىنداعى جەتىنشى جانە ەڭ تانىمال Ticketon Awards سىيلىعىنىڭ داۋىس بەرۋى اياقتالدى. داۋىس بەرۋ 8 اقپاندا باستالىپ، 10-11 ناۋرىزدا ءتۇن ورتاسىندا اياقتالدى. بارلىق داۋىستاردى ساناۋ 11 ناۋرىزدا اياقتالدى. كەز كەلگەن قازاقستاندىق ءوزىنىڭ پىكىرىنشە، وتكەن جىلى قازاقستانداعى مادەنيەت پەن سپورت سالاسىنا ەلەۋلى ۇلەس قوسقان ادامدارعا داۋىس بەرە الادى.
وسى ارالىقتا كانديداتتارعا بارلىعى 154 620 داۋىس بەرىلدى. داۋىس بەرۋدىڭ سوڭعى كۇنى، ياعني 10 ناۋرىزدا ۇسىنىلعان كانديداتتارعا 5890 داۋىس بەرىلدى. قازاقستاندىقتار سپورت پەن ونەر سالاسىنداعى ەڭ سۇيىكتى، تالانتتى، ايتۋلى وكىلدەردى تاڭدادى.
«جىلدىڭ وتاندىق ءفيلمى» اتالىمى بويىنشا «ءمىرجاقىپ. ويان، قازاق!» تاريحي دراماسى جالپى داۋىس بەرۋ قورىتىندىسى بويىنشا 2331 داۋىس جيناعان.
«جىلدىڭ شەتەلدىك ءفيلمى» اتالىمى بويىنشا 1160 داۋىس جيناعان «وپپەنگەيمەر» دراماسى جەڭىمپاز دەپ كۇتىلۋدە.
«ءمىرجاقىپ. ويان، قازاق!» فيلمىندە باستى ءرولدى سومداعان باقىت قاجىبايەۆ «جىل اكتەرى» نوميناسياسىن جەڭىپ الدى. ول وسى اتالىمدا 2647 داۋىسپەن 1012 داۋىس جيناعان باسەكەلەسى، اكتەر رۇستەم جانىمانوۆتان وق بويى وزىپ شىعىپ، ۇلكەن باسىمدىقپەن كوش باستادى.
داۋىستاردى قورىتىندىلاۋ بويىنشا داريعا بادىقوۆا «جىل كينواكتريساسى» اتاندى. داريعا - جارقىن جانە ەرەكشە كومەديالىق اكتريسا. ول «تاپتىم-اۋ سەنى» كومەدياسىندا باستى ءرولدى سومدادى ءارى وسى ءفيلمنىڭ پروديۋسەرى. بۇعان دەيىن اكتريسا وسى نوميناسيا بويىنشا ەكى رەت (2019 جانە 2022) تيكەتون سىيلىعىن العان.
«جىلدىڭ كونسەرتتىك گاسترولى» نوميناسياسىندا 878 داۋىس جيناعان اتاقتى رەپ ءانشىسى 50 Centءتىڭ كونسەرتى ەڭ كوپ داۋىس جيناپ جەڭىمپاز اتاندى. ول بىلتىرعى جىلدىڭ 28 قاراشاسىندا الماتىدا ءانشىنىڭ «The Final Lap Tour» تۋرنەسىنىڭ اياسىندا ءوتتى. كوپشىلىك ءۇشىن ۇمىتىلماستاي بولعان كونسەرتتەن كەيىن قازاقستاندىقتار وزدەرىنىڭ ىستىق لەبىزدەرىمەن ءبولىستى.
«قازاقتىڭ جىل ءارتيسى» نوميناسياسىندا ەڭ تانىمال قازاقستاندىق «يرينا قايرات قىزى» توبىن 167 داۋىسپەن جەڭىپ، 1011 داۋىس جيناعان سادراددين جەڭىمپاز اتاندى. بۇل جاس ءارتىس قازاقستاندىقتاردىڭ جۇرەگىن جاۋلاپ ۇلگەردى، ونىڭ كونسەرتتەرىنە ءانشىنىڭ مىڭداعان جانكۇيەرلەرى اسىعادى.
قازاقستاندىقتاردىڭ پىكىرىنشە، جىلدىڭ ەڭ جارقىن سپورتتىق وقيعاسى وتكەن جىلدىڭ 26 ناۋرىزىندا «استانا ارەنا» الاڭىندا وتكەن قازاقستان-دانيا فۋتبول ماچى بولدى. كەزدەسۋ 3:2 ەسەبىمەن قازاقستاندىق كوماندانىڭ پايداسىنا اياقتالدى. بۇل شارا 1513 داۋىس جينادى.
«بالالارعا ارنالعان جىل وقيعاسى» اتالىمىندا بارلىعى 738 داۋىس جيناعان «مۇز جۇرەك» بالالار جارىق شوۋى جەڭىسكە جەتتى. جارقىن ءىس-شارا ۇرلەمەلى رەكۆيزيتتەر، قار، سابىن جانە ءتۇتىن شوۋلارىمەن ينتەراكتيۆتى ارەكەتتەردى قامتىدى. قويىلىمنىڭ ەرەكشەلىگى ءار بالا جاي عانا كورەرمەن ەمەس، بۇكىل قويىلىم بويى ارتىستەرمەن ارالاسىپ، وقيعالارعا قاتىسۋشى بولدى.
بيىلعى جىلى پايدا بولعان «ينتەرنەتتەن شىققان باتىر» جاڭا نوميناسياسى بويىنشا حيميالىق ەلەمەنتتەر مەن رەاكسيالار تۋرالى ءان جازعان Instagram جەلىسىندەگى ەڭ تانىمال حيميا ءمۇعالىمى ۇلان ۇسەنوۆ جەڭىمپاز اتاندى. ول قازاقستاندىقتاردىڭ 1646 داۋىسىنا يە بولدى.
بيىلعى Ticketon Awards ماراپاتىنا 34 سانات پەن 7 كاتەگوريا بويىنشا 300-دەن استام ۇمىتكەر قاتىستى. سىيلىقتىڭ ماقساتى – 2023 جىلعا ارنالعان ءارتۇرلى جانرلارداعى ۇزدىك شىعارماشىلىق جۇمىستاردى انىقتاۋ، دارىندى تۇلعالاردى تانۋعا قول جەتكىزۋ جانە ىنتالاندىرۋ، سونداي-اق قازاقستاندىقتاردىڭ نازارىن مادەني داستۇرلەردى ساقتاۋعا جانە دامىتۋعا اۋدارۋ.
«وسى جىلى ماراپات كوپتەگەن توسىنسىيلار اكەلدى! بۇل ويىن-ساۋىق يندۋسترياسىنىڭ قارقىندى دامىپ جاتقانىن، جاڭا ەسىمدەردىڭ پايدا بولۋىن جانە كورەرمەندەردىڭ سۇيىكتىلەرىنىڭ وزگەرىپ وتىراتىنىن بىلدىرەدى. سىيلىق ويىن-ساۋىق پەن سپورت سالاسىنا اسەر ەتكەن جاڭا تۇلعالار مەن مادەني ءىس-شارالاردى ناقتىلاي الادى دەپ سەنەمىن»، - دەپ اتاپ ءوتتى «Ticketon Events» ج ش س باس ديرەكتورى ۆيكتوريا تورگۋناكوۆا.
جەڭىمپازدار اعىمداعى جىلدىڭ 20 ساۋىرىندە الماتىدا وتەتىن سالتاناتتى ماراپاتتاۋ راسىمىندە ماراپاتتالادى.