ەكىجاقتى ىنتىماقتاستىقتى دامىتۋ شەڭبەرىندە 2024 جىلعى 20 قاراشادا قازاقستان رەسپۋبليكاسىنىڭ ەكولوگيا جانە تابيعي رەسۋرستار ۆيسە-مينيسترى م.ت. وشۋربايەۆ رەسەي فەدەراسياسى ساحالين وبلىسى ۇكىمەتى ءتوراعاسىنىڭ ورىنباسارى ۆ. ۆ. الەنكوۆپەن كەزدەسۋ وتكىزدى.
كەزدەسۋ بارىسىندا كومىرتەكتى رەتتەۋ جۇيەلەرىن قۇرۋدا تاجىريبە الماسۋدىڭ نەگىزگى ماسەلەلەرى تالقىلاندى. ەكى تاراپ كليماتتىق ساياساتتى جاقسارتۋ جانە ەكولوگيالىق باستامالاردى ىسكە اسىرۋ بويىنشا بىرلەسىپ جۇمىس ىستەۋگە دايىن ەكەندىكتەرىن ءبىلدىردى، دەپ حابارلايدى aqshamnews.kz.
تومەندەگىلەرگە ەرەكشە نازار اۋدارىلدى:
حالىقارالىق فورۋمعا شاقىرۋ: ساحالين وبلىسى قازاقستان رەسپۋبليكاسىنىڭ دەلەگاسياسىن 2025 جىلعى 15-16 مامىردا ساحاليندە وتەتىن بريكس ەلدەرىنىڭ حالىقارالىق ەكولوگيالىق-كليماتتىق فورۋمىنا شاقىرۋدى جوسپارلاپ وتىر. فورۋم تۇراقتى دامۋ سالاسىنداعى يدەيالارمەن جانە ۇزدىك تاجىريبەلەرمەن الماسۋ ءۇشىن ماڭىزدى الاڭعا اينالادى.
ساحالين وبلىسى 2025 جىلدىڭ قورىتىندىسى بويىنشا كومىرتەگى بەيتاراپتىعىنا قول جەتكىزۋدى جوسپارلاپ وتىر.
ءوز كەزەگىندە، قازاقستان رەسپۋبليكاسىنىڭ 2060 جىلعا دەيىنگى كومىرتەگى بەيتاراپتىعىنا قول جەتكىزۋ ستراتەگياسى وسىنداي قۇجاتتى ازىرلەۋ ءۇشىن ۇلگى بولىپ تابىلادى.
كەزدەسۋ سوڭىندا تاراپتار تۇراقتى بولاشاقتى قامتاماسىز ەتۋگە باعىتتالعان كليماتتىق سالاداعى ارىپتەستىكتى ودان ءارى دامىتۋعا ءوزارا قىزىعۋشىلىقتى راستادى.