ەنەرگەتيكالىق سۋسىن – قۇرامىندا كوفەين، قانت، پسيحوستيمۋلياتورلىق زاتتار قوسپالارى (ماتەين، گۋارانا، جەنشەن، ءشوپ سىعىندىلارى، سيكلامات، ساحارين، سۋكرالوزا) بار، ورتالىق جۇيكە جۇيەسىنە ستيمۋلياتور رەتىندە ارەكەت ەتەتىن پسيحيكالىق جانە فيزيكالىق ادامداردىڭ دەنساۋلىعىنا اسەر ەتەتىن تاۋەلدىلىكتى تۋدىراتىن گازدالعان الكوگولسىز نەمەسە الكوگولى از سۋسىن.
ءمۇفتيات ەنەرگەتيكالىق سۋسىندارعا قاتىستى جوعارىدا كەلتىرىلگەن تۇسىنىكتەمەنى بەرە كەلە، كەلەسىدەي ناقتىلاي تۇسەدى، دەپ حابارلايدى aqshamnews.kz.
- الكوگولدى ەنەرگەتيكالىق سۋسىندار. ەنەرگەتيكالىق سۋسىنداردىڭ قۇرامىندا الكوگول از مولشەردە بولسا دا ونى ىشۋگە تىيىم سالىنادى. پايعامبارىمىز (وعان اللانىڭ سالاۋاتى مەن سالەمى بولسىن):
«ماس ەتەتىن نارسەنىڭ ازى دا، كوبى دە – حارام»، – دەپ ايتقان.
- الكوگولسىز ەنەرگەتيكالىق سۋسىندار. كەز كەلگەن سۋسىننىڭ قۇرامىندا الكوگول، زياندى زاتتار، حارام، ءناجىس نارسەلەر بولماسا ونى قولدانۋعا رۇقسات ەتىلەدى. ال قۇرامىندا ادام بالاسىنىڭ دەنساۋلىعىنا زيان بەرەتىن زاتتار بولسا (الكوگول، ءقاۋىپتى زاتتار، حارام، ءناجىس ت.ب.) قولدانۋعا تىيىم سالىنادى. اللا تاعالا قاسيەتتى قۇراندا:
قمدب ءپاتۋاسىنا ساي، ەنەرگەتيكالىق سۋسىنداردى ءجيى قولدانۋ اعزاعا (جۇرەككە، جۇيكە جۇيەسىنە، قان قىسىمىنىڭ جوعارىلاۋىنا، قانت ديابەتىنە، سەمىزدىككە، اياق-قولدىڭ دىرىلىنە، ت.س.س.) ءقاۋىپتى ەكەنى مەديسينا تۇرعىسىنان ناقتىلانعان. سوندىقتان مۇسىلمان ادامعا مۇنداي سۋسىنداردان اۋلاق بولعانى دۇرىس.
- سۋسىننىڭ قۇرامىندا شاريعاتتا تىيىم سالىنعان نارسەلەر بولماسا، ونى قولدانۋعا رۇقسات.
- الكوگولدى ەنەرگەتيكالىق سۋسىنداردى ءىشۋ – حارام.
- ەنەرگەتيكالىق سۋسىنداردى ءجيى قولدانۋدىڭ اعزاعا ءقاۋىپتى ەكەنى مەديسينا تۇرعىسىنان ناقتىلانعان بولسا، ونى قولدانۋعا تىيىم سالىنادى.