قازاقستان مەن رەسەي شەكاراسىندا جەر سىلكىنىسى بولدى، دەپ حابارلايدى اqshamnews.kz ءتىلشىسى.
قازاق ۇلتتىق دەرەكتەر ورتالىعىنىڭ جەدەل مالىمەتىنە سايكەس، 9 جەلتوقساندا استانا ۋاقىتىمەن 15:36-دا رەسەي اۋماعىندا جەر سىلكىنىسى تىركەلدى. جەر استى دۇمپۋلەرىنىڭ ماگنيتۋداسى 5،0 بالل بولعان.
ەۋروپالىق-جەرورتا تەڭىزى سەيسمولوگيالىق ورتالىعىنىڭ مالىمەتىنشە، ءزىلزالانىڭ ەپيسەنترى رەسەيدەگى اقتاش اۋىلىنان سولتۇستىك-باتىسقا قاراي 40 شاقىرىم قاشىقتىقتا ورنالاسقان.
ەسكە سالايىق، 6 جەلتوقساندا قازاقستان سەيسمولوگتارى تاعى ءبىر جەر سىلكىنىسىن تىركەگەن بولاتىن. ول كەزدە جەراستى دۇمپۋلەرى تاراز بەن شىمكەنت قالالارىندا 2 بالل شاماسىندا سەزىلگەن.
سونداي-اق، 4 جەلتوقساندا قىتايدىڭ وڭتۇستىك سينسزيان وڭىرىندە ماگنيتۋداسى 6،1 بولاتىن جەر سىلكىنىسى بولىپ، ونىڭ دۇمپۋلەرى الماتى قالاسى، الماتى، جامبىل جانە جەتىسۋ وبلىستارىندا دا سەزىلگەن ەدى.