الەۋمەتتىك جەلىلەردە قازاقستان مەن رەسەي شەكاراشىلارى اراسىنداعى قاقتىعىستىڭ سالدارى تۇسىرىلگەن ۆيدەو تاراتىلۋدا. ق ر ىشكى ىستەر مينيسترلىگى بۇل اقپاراتقا قاتىستى تۇسىنىكتەمە بەردى، دەپ حابارلايدى almaty-akshamy.kz Stopfake.kz-كە سىلتەمە جاساپ.
تارالعان ۆيدەودا اسكەري كيىمدەگى ادامدار جانە اسكەري تەحنيكا كورسەتىلگەن، ال كادر سىرتىنداعى داۋىستىڭ ايتۋىنشا، قاقتىعىس قوستاناي وبلىسىندا ورىن العان، ءقازىر وندا تەحنيكا تارتىلىپ جاتىر.
ءىىم-نىڭ حابارلاۋىنشا، مۇنىڭ ءبارى جالعان.
– قازاقستان رەسپۋبليكاسىنىڭ ءىىم قوستاناي وبلىسىنداعى شەكاراداعى ارانداتۋ تۋرالى الەۋمەتتىك جەلىلەردە تارالعان اقپارات شىندىققا جاناسپايتىنىن جانە جالعان بولىپ تابىلاتىنىن حابارلايدى. ۆيدەودا بيىل 8 قىركۇيەكتە قوستاناي قالاسى اۋماعىندا وتكەن جوسپارلى دالالىق ساباقتارعا بارا جاتقان ق ر ءىىم ۇلتتىق ۇلان اۆتوكولىگىنىڭ كولونناسى كورسەتىلگەن. كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالامىز، – دەپ حابارلادى ۆەدومستۆونىڭ باسپا ءسوز قىزمەتى.