بۇگىن تاڭعى 7:00-دەن بەرى الماتىدا جاڭبىر جاۋىپ تۇر.
«قازگيدرومەت» رمك بولجامىنا ساي، جاۋىن تۇسكە دەيىن جاۋادى. تاڭعى 10:00-دەگى جاعداي بويىنشا قالادا 9 مم جاۋىن-شاشىن جاۋدى. كامەنسك ءۇستىرتى ايماعىندا – 14 مم، دەپ حابارلايدى Almaty-akhsamy.kz.
كوممۋنالدىق ينفراقۇرىلىمدى دامىتۋ باسقارماسىنىڭ مالىمەتىنە قاراعاندا، سۋ تاسقىنىنىڭ الدىن الۋ جانە جويۋ ءۇشىن 45 پاترۋلدىك بريگادا، 165 بىرلىك ارنايى تەحنيكا، 24 موتوپومپا جانە 820 جول جۇمىسشىسى جۇمىلدىرىلدى. 1750 قاپ قۇم جينالدى.
توتەنشە جاعدايلار جونىندەگى جەدەل كەزەكشىنىڭ اقپاراتى بويىنشا بوستاندىق اۋدانىنداعى ۆاحتانگوۆ كوشەسى،5 مەكەنجايى بويىنشا جەكە سەكتور اۋماعىن ءبىر رەت سۋ باسقانى انىقتالدى.
«الماتى تازالىق» مكك كۇشىمەن قۇلاعان بۇتاقتان ارىق وتكەلى تازارتىلىپ، سۋ تاسقىنى جويىلدى.
اۋدان اكىمدىكتەرىندە جۇمىس ءوندىرىسىن باقىلاۋ بويىنشا كەزەكشىلىك ۇيىمداستىرىلدى.
وڭتۇستىك-باتىس جەل ەكپىنى 3-8م/س، كەيدە 13 م/س-قا جەتەدى، اۋا تەمپەراتۋراسى +15 + 17°س.