امەريكالىق مەدياماگنات ءارى كاسىپكەر مارك سۋكەربەرگ جاساندى ينتەللەكت ارقىلى ادام اعزاسىنا دەيىن زەرتتەۋگە بولاتىنىن ايتتى.
بۇل تۋرالى ول الەۋمەتتىك جەلىدە پوست جاريالادى، دەپ حابارلايدى Almaty-akshamy.kz.
مارك سۋكەربەرگ ايەلىمەن بىرگە بار قارجىسىن بۇكىل اۋرۋدى جويۋعا جۇمساۋدى جوسپارلاپ وتىر.
«پريسيللا ەكەۋمىز جاساندى ينتەللەكت (AI) عالىمدارعا وسى عاسىرداعى بارلىق اۋرۋلاردى ەمدەۋگە، الدىن الۋعا نەمەسە باقىلاۋعا نە كومەكتەسەدى دەگەن وپتيميستىك كوزقاراسپەن قارايمىز. ءبىز CZI – دە ۆيرتۋالدى جاسۋشانى قۇرۋ ءۇشىن جاڭا جوبانى باستايمىز، ول ادام اعزاسىنداعى ءاربىر جاسۋشانىڭ قالاي ارەكەت ەتەتىنىن،ياعني ساۋ نەمەسە اۋرۋ ەكەنىن بولجاي الادى. ول ءۇشىن ءبىز بيومەديسينالىق عىلىمداردىڭ كوممەرسيالىق ەمەس سالاسىنداعى ەڭ ءىرى ەسەپتەۋ كلاستەرلەرىنىڭ ءبىرىن قۇرامىز. بۇل عالىمدارعا جاڭا جاڭالىقتار اشۋعا جانە جاڭا ەمدەۋ ادىستەرىن تابۋعا كومەكتەسەدى دەپ ۇمىتتەنەمىز»، – دەدى ول ءوزىنىڭ جازباسىندا.