بۇل اۋقىمدى شاراعا 500 وتاندىق كاسىپكەر قاتىسقان، ال ءبىزدىڭ ەل العاش رەت سەرىكتەس مارتەبەسىن الدى.
قازاقستان مەن رەسەي كومپانيالارى ەكاتەرينبۋرگ قالاسىندا وتكەن «يننوپروم» حالىقارالىق ونەركاسىپتىك كورمەسىندە 27 كەلىسىمشارتقا قول قويدى، دەپ حابارلايدى Almaty-akshamy.kz.
قۇجاتتار ونەركاسىپ سالاسىنداعى ىنتىماقتاستىقتى جاڭا دەڭگەيگە كوتەرۋ، تاجىريبە الماسۋ جانە جاڭا جوبالاردى جۇزەگە اسىرۋعا باعىتتالعان. سەرىكتەستىك 50 ميلليون دوللارعا باعالانىپ وتىر.
«قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى جانە رەسەي فەدەراسياسىنىڭ ونەركاسىپ جانە ساۋدا مينيسترلىگىنىڭ اراسىندا جول كارتاسىنا قول قويىلىپ وتىر، ول جول كارتاسى ونەركاسىپ سالاسىنداعى كووپەراسيانى نىعايتۋعا باعىتتالعان. وسى جول كارتانىڭ شەڭبەرىندە ءۇش جاڭا جوبا ىسكە اسىرىلاتىن بولادى. ولاردىڭ جالپى سوماسى 6،3 ملرد دوللار قۇرايدى»، - دەيدى ق ر يندۋستريا جانە ينفراقۇرىلىمدىق دامۋ ۆيسە-مينيسترى مارات قارابايەۆ.