2023 جىلدىڭ ناۋرىزىنا دەيىن قالپىنا كەلتىرىلەدى.
الماتى اكىمى ەربولات دوسايەۆ قالا اكىمدىگىنىڭ عيماراتىن جىل سوڭىنا دەيىن قالپىنا كەلتىرۋ جوسپارلانعانىن مالىمدەدى، دەپ حابارلايدى Almaty-akshamy.kz.
«مەملەكەت باسشىسىنىڭ رەزيدەنسياسى جايلى ايتاتىن بولساق. بۇرىن وندا مەكەمە قاراستىرىلعان بولاتىن. ءبىز ءقازىر ەگجەي-تەگجەيلى جوسپارلاۋ جوباسىن وزگەرتەمىز. وندا الاڭ ەمەس، ساياباق ايماعى پايدا بولادى. ءبىز اكىمدىكتىڭ جانىندا ورنالاسقان ساياباق ايماعىن بىرىكتىرگىمىز كەلەدى. ول ساتپايەۆ كوشەسىنە دەيىن وتپەلى بولادى»،- دەدى ەربولات دوسايەۆ.
اكىم ساياباق ايماعىنىڭ ەسكيزدىك جوباسى قالا قۇرىلىسى كەڭەسىنىڭ مۇشەلەرىمەن تالقىلاناتىنىن ايتتى.
ول سونداي-اق 8 شىلدەدە اكىمدىك عيماراتى بويىنشا جوبالاۋ-سمەتالىق قۇجاتتامانىڭ قورىتىندىسىن الاتىنىن مالىمدەدى.
«ءبىز العاش رەت وسى يگىلىگىمىزدى جوندەۋمەن اينالىساتىن بەس الماتىلىق كومپانيادان تۇراتىن كونسورسيۋم قۇردىق. عيمارات قالپىنا كەلتىرىلۋگە جاتادى. بارلىق جۇمىستار جىل سوڭىنا دەيىن اياقتالادى دەپ جوسپارلادىق. ءبىراق نەگىزگى ءۇش عيماراتتىڭ وزىمەن ەمەس، مەتالل ورتەنىپ كەتكەن كۇمبەزدى زالمەن بايلانىستى قيىن جوبالىق شەشىمدەر بولدى. سوندىقتان جۇمىس جۇرگىزىلەدى، كەلەسى جىلدىڭ ناۋرىزىنا دەيىن قالپىنا كەلتىرۋ اياقتالادى دەپ ۇمىتتەنەمىز»، - دەدى قالا باسشىسى.