ۇلىبريتانيا ۇكىمەتىنىڭ جارتىسىنا جۋىعى وتستاۆكاعا كەتتى

سارسەنبىدە دجونسون وتستاۆكاعا كەتكىسى كەلمەيتىنىن ايتقان.

120 ادامنان تۇراتىن ۇلىبريتانيا ۇكىمەتىنىڭ 53 مۇشەسى وتستاۆكاعا كەتتى، دەپ حابارلايدى Almaty-akshamy.kz Interfax.ru سىلتەمە جاساپ.

بەيسەنبى كۇنى بريتان ۇكىمەتىنەن تاعى جەتى ادام كەتتى. ولاردىڭ اراسىندا سولتۇستىك يرلانديانىڭ حاتشىسى برەندون ليۋيس پەن كەزىندە  پرەمەر-مينيستر بوريس دجونسوننىڭ قولداۋشىسى بولعان،تەحنولوگيا ءمينيسترى كريس فيليپ بار. وسىلايشا، 120 ادامنان تۇراتىن ۇكىمەتتىڭ جارتىسىنا جۋىعى، ونىڭ ىشىندە قارجى ءمينيسترى ريشي سۋناك پەن دەنساۋلىق ساقتاۋ ءمينيسترى سادجيد دجاۆيد وتستاۆكاعا كەتتى.

«جاعداي وسىلاي قالىپتاسقانى، ارينە، وكىنىشتى. ءبىراق قوعامدىق جانە پارلامەنتتىك سەنىم جوعالعانىن ەسكەرە وتىرىپ، پرەمەر-مينيستر وتستاۆكاعا كەتۋى كەرەك»، - دەلىنگەن ءفيليپتىڭ دجونسونعا جازعان حاتىندا. ونى ساياساتكەر ءوزىنىڭ الەۋمەتتىك جەلىلەرىندە جاريالاعان بولاتىن.

سارسەنبىدە دجونسون وتستاۆكاعا كەتكىسى كەلمەيتىنىن ايتتى. ەڭبەك پارتياسىنىڭ جەتەكشىسى سايرۋس ستارمەردىڭ داعدارىس كەزىندە ەل جاقسىراق باسشىلىققا لايىق دەگەن سوزىنە پرەمەر-مينيستر داعدارىس كەزىندە «ۇكىمەت وتستاۆكاعا كەتپەي، جۇمىسىن جالعاستىرادى» دەپ جاۋاپ بەرگەن.