پرەمەر-مينيستردىڭ ءبىرىنشى ورىنباسارى رومان سكليار مەن «گازپروم» كومپانياسى باسقارماسىنىڭ ءتوراعاسى الەكسەي ميللەر جۇمىس كەزدەسۋىن وتكىزدى، دەپ حابارلايدى aqshamnews.kz
تاراپتار گاز سالاسىنداعى ارىپتەستىكتى دامىتۋ مۇمكىندىكتەرىن تالقىلاعان.
«گازپروم» كومپانياسى باسپا ءسوز قىزمەتىنىڭ حابارلاۋىنشا، كەزدەسۋ بارىسىندا رەسەي مەن قازاقستاندى بايلانىستىراتىن جاڭا ماگيسترالدى گاز قۇبىرىن سالۋ جوباسىن ىسكە اسىرۋ تۋرالى مەموراندۋمعا قول قويىلدى.
بۇدان بولەك قازاقستان گازىن رەسەيدە ۇزاق مەرزىمدى وڭدەۋ بويىنشا نەگىزگى شارتتار تۋرالى كەلىسىمگە دە قول قويىلعان.
«بۇل قۇجات قاراشىعاناق كەن ورنىنداعى گازدى ورىنبور گاز وڭدەۋ زاۋىتىندا وڭدەۋگە بايلانىستى ەكى ەل اراسىنداعى ىنتىماقتاستىقتى بەكىتەدى. زاۋىت جاڭعىرتۋدان وتەدى»، - دەلىنگەن حابارلامادا.