وزبەكستاندا 2 مىڭنان استام شەنەۋنىكتىڭ ورنىن جاساندى ينتەللەكت باسادى، دەپ حابارلايدى aqshamnews.kz
وزبەكستاندا جاساندى ينتەللەكتتى ەنگىزۋ ناتيجەسىندە 1 قاراشاعا دەيىن 2 مىڭنان استام شەنەۋنىك جۇمىسسىز قالادى. ەل پرەزيدەنتى شاۆكات ميرزيويەۆتىڭ ءتيىستى جارلىعى ۇلتتىق زاڭناما بازاسىندا جاريالاندى.
قۇجاتقا سايكەس، اتقارۋشى بيلىك جۇيەسىندە 2141 شتات بىرلىگى قىسقارتىلادى. سونىڭ ىشىندە ەڭ كوپ قىسقارتۋ سالىق كوميتەتىندە بولادى (498 بىرلىك). سۋ شارۋاشىلىعى مينيسترلىگىندە – 224، اۋىل شارۋاشىلىعى مينيسترلىگىندە – 200، جۇمىسپەن قامتۋ جانە كەدەيلىكتى قىسقارتۋ مينيسترلىگىندە – 163، ەكولوگيا مينيسترلىگىندە – 176، ادىلەت مينيسترلىگىندە – 197 شتات بىرلىگى.
جارلىقتا مەملەكەت قىسقارتۋعا ۇشىراعان قىزمەتكەرلەردى جۇمىسقا ورنالاستىرۋعا كومەكتەسەدى دەلىنگەن.