قازاقستان مەن رەسەي بايقوڭىر بويىنشا كەلىسسوز جۇرگىزەدى

كەلىسىم 2050 جىلعا دەيىن بەكىتىلگەن.

رەسەي عارىش ايلاعىن جالعا العانى ءۇشىن جىلىنا 100 ميلليون دوللاردان استام اقشا تولەيدى، دەپ حابارلايدى Almaty-akshamy.kz.

سيفرلىق دامۋ جانە اەروعارىش ونەركاسىبى ءمينيسترى باعدات مۋسين رەسەيمەن بايقوڭىر عارىش ايلاعىن جالعا بەرۋ شارتىن جاساسۋداعى جاعداي تۋرالى سۇراققا جاۋاپ بەردى.

سيفرلىق دامۋ مينيسترلىگىنىڭ باسشىسى ءبىرقاتار ماسەلەلەر بويىنشا، اتاپ ايتقاندا، قازاقستاندىق عارىش ايلاعىن جالعا الۋ بويىنشا رەسەيلىك تاراپپەن كەلىسسوز ءساۋىر ايىنىڭ ورتاسىنا جوسپارلانعانىن ايتتى.

«كەشە روگوزين مىرزا ءوزىنىڭ جوسپارلارى وزگەرمەگەنىن ايتتى. ولار قازاقستانمەن بارلىق جوسپارلانعان عارىش باعدارلامالارى جۇمىس ىستەپ، دامىتىلاتىنىن مالىمدەدى. ءبىز رەسەيلىك ارىپتەستەرمەن كەلىسسوز جۇرگىزەمىز، ويتكەنى ۋاقىت ورنىندا تۇرمايتىنى تۇسىنىكتى. بىزدە 15-20 ساۋىردە ءبىرقاتار ماسەلەلەر بويىنشا، ونىڭ ىشىندە الداعى جىلدارعا ارنالعان پەرسپەكتيۆالىق جوبالار بويىنشا كەلىسسوزدەر جوسپارلانعان»، - دەدى مۋسين ءماجىلىستىڭ جالپى وتىرىسىندا.

ونىڭ ايتۋىنشا، رەسەي عارىش ايلاعىن جالعا العانى ءۇشىن جىلىنا 100 ميلليون دوللاردان استام اقشا تولەيدى. كەلىسىم 2050 جىلعا دەيىن بەكىتىلگەن.