بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ مالىمدەدى. وسىلايشا مەملەكەت باسشىسىنىڭ تاپسىرماسى ىسكە اسىرىلۋدا، 2025 جىلعا قاراي 9 سىنىپ تۇلەكتەرىنىڭ 100%-ى كوللەدجدەردە قاجەتتى ماماندىقتاردا تەگىن وقي الادى، دەپ حابارلايدى اlmaty-akshamy.kz.
سپيكەر مەملەكەتتىك تاپسىرىس جىل سايىن ۇلعايىپ كەلە جاتقانىن، سونىڭ ارقاسىندا تەحنيكالىق جانە كاسىپتىك ءبىلىم بەرۋ قولجەتىمدى بولا باستاعانىن اتاپ ءوتتى. الماتى، ەلىمىزدىڭ باسقا وڭىرلەرى سياقتى، سۇرانىسقا يە ماماندىقتار بويىنشا تەگىن ءبىلىم بەرۋمەن ءجۇز پايىز قامتۋعا ۇمتىلادى.
ق. جۇمانوۆتىڭ ايتۋىنشا، مەگاپوليستە 83 كوللەدج جۇمىس ىستەيدى، ونىڭ 23ء-ى مەملەكەتتىك، 60-ى جەكە مەنشىك. بارلىعى 73 719 ستۋدەنت وقيدى، ونىڭ ىشىندە مەملەكەتتىك تاپسىرىس بويىنشا 36،5 مىڭ ادام. بۇگىنگى تاڭدا قالادا تەگىن ۇلگىدەگى قامتۋ جالپى كونتينگەنتتىڭ 49،5%-ىن قۇرايدى.
ستۋدەنتتەر قاتارىندا ءۇش مىڭنان استامى - سىرتتان كەلگەندەر. ولاردىڭ 29 جاتاقحانادا تۇرۋعا مۇمكىندىگى بار.
«ساپالى ءبىلىم بەرۋ» ۇلتتىق جوباسىن ىسكە اسىرۋ ءۇشىن 2025 جىلعا دەيىن مەملەكەتتىك تاپسىرىستى ەكى ەسەگە – 21 مىڭ ورىنعا دەيىن ۇلعايتۋ جوسپارلانىپ وتىر. ءبىرىنشى كەزەكتە 9 سىنىپ تۇلەكتەرىن 2025 جىلعا قاراي 100%-عا دەيىن تەگىن تەحنيكالىق جانە كاسىپتىك بىلىممەن قامتۋ جوسپارلانۋدا»، - دەدى ق.جۇمانوۆ.
وسىلايشا 2025 جىلى قالالىق كوللەدجدەردە وقۋعا نيەت بىلدىرگەن بارلىق 9-سىنىپ تۇلەكتەرى سۇرانىسقا يە ماماندىقتار بويىنشا تەگىن ءبىلىم الا الادى.