ستراتەگيالىق سالالاردا 3 300 بىرلەسكەن كاسىپورىن جۇمىس ىستەيدى
قكپ وك ساياسي بيۋروسىنىڭ مۇشەسى، قكپ شىڭجاڭ-ۇيعىر اۆتونوميالىق اۋدانى پارتيا كوميتەتىنىڭ حاتشىسى ما ءسينجۋيدىڭ قازاقستانعا رەسمي ساپارى اياسىندا الماتىدا وتكەن قازاقستان مەن جۇڭگو شەكارا ىنتىماقتاستىعىنىڭ 2ء-شى دوستىق ديالوگىنا قاتىسۋشىلار ەكىجاقتى ەكونوميكالىق ءوزارا قارىم-قاتىناستاردى نىعايتۋعا كەلىستى، دەپ حابارلايدى Almaty-akshamy.kz primeminister.kz-كە سىلتەمە جاساپ.
قازاقستان مەن جۇڭگو اراسىندا بارلىق باعىتتار بويىنشا ءوزارا قارىم-قاتىناستار ەرەكشە سيپاتقا يە.
مۇنى ەكى ەلدىڭ ساۋدا، ينۆەستيسيالار، لوگيستيكا ماسەلەلەرىندەگى ۇزدىكسىز ءوزارا ءىس-قيمىلى دالەلدەپ وتىر.
«مەملەكەت باسشىلارى جان-جاقتى ىنتىماقتاستىقتى دامىتۋعا كوپ كوڭىل بولەدى. بيىل «ءبىر بەلدەۋ – ءبىر جول» باستاماسىنا 10 جىل تولادى. وسى كەزەڭدە اراداعى سەرىكتەستىك جاڭا دەڭگەيگە كوتەرىلدى. ىنتىماقتاستىقتىڭ بارلىق باعىتتارى بويىنشا وڭ سەرپىن بايقالادى. بۇگىندە قازاقستاندا تاۋ-كەن مەتاللۋرگيا كەشەنى، وڭدەۋ ونەركاسىبى جانە باسقا دا ستراتەگيالىق سالالاردا 3 300 بىرلەسكەن كاسىپورىن جۇمىس ىستەيدى»، — دەدى پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين فورۋمدى اشا وتىرىپ.
فورۋمعا 150-دەن استام قازاقستاندىق كاسىپكەر، 20 جەتەكشى شىڭجاڭ كاسىپكەرى، قازاقستانداعى ءىرى ينۆەستيسيالىق جۇڭگو كاسىپورىندارىنىڭ 10 وكىلى كەلدى.
فورۋم اياسىندا ەكونوميكانىڭ ءتۇرلى سالالارىندا، اتاپ ايتقاندا، قۇرىلىس، ەنەرگەتيكا، تاۋ-كەن ونەركاسىبى، اۋىل شارۋاشىلىعى، تاماق ونەركاسىبى، ماشينا جاساۋ، تۋريزم، ينۆەستيسيالار جانە ت.ب. سالالاردا قازاقستاندىق جانە قىتايلىق كاسىپكەرلەر اراسىندا B2B فورماتىندا ەكىجاقتى كەلىسسوزدەر ءوتتى.
16 ەكىجاقتى قۇجاتقا قول قويىلدى، ونىڭ بەسەۋى – $565،4 ملن-نىڭ كوممەرسيالىق قۇجاتى.
شارانى الماتى قالاسى اكىمدىگى جانە «QazTrade» ساۋدا ساياساتىن دامىتۋ ورتالىعى» اق قولداۋىمەن ق ر ساۋدا جانە ينتەگراسيا مينيسترلىگى ۇيىمداستىردى.