الماتىدا «تۇماندى دالا» جانە «كوكيىرىم شۇڭەتى ءتىل قاتادى» كىتاپتارىنىڭ تۇساۋكەسەرى ءوتتى

كىتاپتار «Birqazaq» جوباسى اياسىندا شىعىپ وتىر

بۇگىن ق ر ۇلتتىق كىتاپحاناسىندا قابىلقاق كۇلمەسقان ۇلىنىڭ «تۇماندى دالا» جانە ماعاز رازدان ۇلىنىڭ «كوكيىرىم شۇڭەتى ءتىل قاتادى» كىتاپتارىنىڭ تۇساۋكەسەرى ءوتتى، دەپ حابارلايدى Almaty-akshamy.kz.

شارانى جازۋشى، دراماتۋرگ، كينو سەناريست ۇلاربەك نۇرعالىم ۇلى جانە كاسىپكەر، Golden Bridge Partners كومپانياسىنىڭ نەگىزىن قالاۋشى بولاتبەك دالەلحان ۇلى جۇرگىزدى.

بۇل ەكى كىتاپ ۇلاربەك نۇرعالىم ۇلى قولعا العان «Birqazaq» جوباسىنىڭ اياسىندا شىعىپ وتىر. بۇل جوبا ارعى بەتتەگى جازۋشىلاردىڭ شىعارمالارىن قازىرگى قازاق الىپبيىنە كوشىرىپ، قازاقستان حالقىنا ناسيحاتتاۋدى كوزدەيدى. الداعى ۋاقىتتا ءالى دە بىرنەشە جازۋشىنىڭ شىعارمالارىن باسىپ شىعارۋ جوسپارلانعان.اتالعان ەكى كىتاپ «Damu business group» پەن بولاتبەك دالەلحان ۇلىنىڭ، قۇمار جۇماحان ۇلىنىڭ قولداۋىمەن «Muqaba» باسپاسىنان جارىق كوردى.

شارا اياسىندا ۇلاربەك نۇرعالىم ۇلى  «تۇماندى دالا»، «كوكيىرىم شۇڭەتى ءتىل قاتادى» كىتاپتارىنىڭ بىرنەشە داناسىن قازاقستان رەسپۋبليكاسى ۇلتتىق كىتاپحاناسىنىڭ قورىنا تابىستادى.