كونكۋرسقا جەكە نەمەسە اۆتورلىق توپپەن قاتىسۋعا بولادى
«پەداگوگيكالىق يدەيالار پانوراماسى – 2023» رەسپۋبليكالىق كونكۋرسى مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرەتىن پەداگوگتەر اراسىندا وتەدى، دەپ حابارلايدى Almaty-akshamy.kz.
«ورلەۋ» بىلىكتىلىكتى ارتتىرۋ ۇلتتىق ورتالىعىندا ايتىلعانداي، پەداگوگتەر ۆيدەو تۇرىندەگى اۆتورلىق جۇمىسىن مىنا 12 باعىتتىڭ ءبىرى بويىنشا ۇسىنا الادى:
- مەكتەپكە دەيىنگى وقىتۋ جانە تاربيەلەۋ پەداگوگتەرى ءۇشىن ەرتە ساۋات
- وقۋ ساۋاتى
- ماتەماتيكا ساۋاتى
- جاراتىلىستانۋ-عىلىمي ساۋاتى
- سيفرلىق ساۋات
- مەديا-اقپاراتتىق ساۋات
- قارجى ساۋاتى
- ەكولوگيالىق ساۋاتى
- دەنساۋلىق ساقتاۋ ساۋاتى
- الەۋمەتتىك-ەموسيونالدى ساۋات
- مادەنيەتارالىق ساۋات
- ازاماتتىق-قۇقىقتىق ساۋات.
كونكۋرسقا جەكە نەمەسە اۆتورلىق توپپەن قاتىسۋعا بولادى - توپتاعى قاتىسۋشىلار سانى 3 ادامنان اسپاۋى ءتيىس.
مۇعالىمدەردىڭ كەلەسى جۇمىستارى قابىلدانادى: ءدارىس، ساباق، پراكتيكالىق نەمەسە زەرتحانالىق جۇمىس، سەمينار، ماستەر-كلاسس، ساندىق ءبىلىم بەرۋ رەسۋرسى جانە بەينە پودكاست.
جۇمىستار قازاق، ورىس جانە اعىلشىن تىلدەرىندە ۇسىنىلۋى مۇمكىن.
كونكۋرس قاتىسۋشىلارى ۇسىناتىن بەينەماتەريالداردىڭ سانى شەكتەۋلى.
ءبىر پەداگوگ نەمەسە ءبىر اۆتورلىق توپ تەك ءبىر باعىتقا قاتىسۋعا ءوتىنىم بەرىپ، ءبىر بەينەماتەريال جىبەرە الادى.
كونكۋرس جۇمىستارى جەتى كريتەريي بويىنشا باعالانادى: وزەكتىلىك، دالەلدىلىك، ءپانارالىق ينتەگراسيا، ادىستەمەلىك قۇندىلىق، يننوۆاسيالىلىق، سويلەۋ مادەنيەتى مەن شەشەندىك شەبەرلىك، اۋديو/بەينەقاتاردى بەرۋ ساپاسى.
12 باعىتتىڭ ءارقايسىسىندا ءبىر ءى ورىن، ەكى ءىى ورىن جانە ءۇش ءىىى ورىن بەرىلەدى.
وڭىرلىك جانە رەسپۋبليكالىق كەزەڭدەردىڭ بۇكىل قاتىسۋشىلارى قاتىسۋ سەرتيفيكاتى جانە جەڭىمپازدار ديپلوممەن ماراپاتتالادى.
YouTube-تا ەڭ كوپ قارالعان بەينەماتەريال ءۇشىن ءار باعىت بويىنشا ماداقتاۋ سەرتيفيكاتى قاراستىرىلعان.
كونكۋرستىڭ بارلىق ماراپاتتاۋ قۇجاتتارى بىلىكتىلىك ساناتىن بەرۋ نەمەسە راستاۋدا ەسكەرىلەتىنى تۋرالى ايتا كەتكەن ءجون.
كونكۋرستىڭ وڭىرلىك كەزەڭىنە قاتىسۋ وتىنىمدەرى مىنا سىلتەمەدە قازان ايىنىڭ 10-نا دەيىن قابىلدانادى.
قوسىمشا اقپاراتتى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ فيليالدارىندا الۋعا بولادى.