دوستىق ستانسياسىنداعى بۇل جاڭا تەرمينال ەكى اي بۇرىن عانا اشىلعان.
تاۋلىگىنە 8 پويىزعا قىزمەت كورسەتۋگە قاۋقارلى. جاڭا تەحنولوگيا كونتەينەرلەردى جىلدام تاسىمالداۋعا مۇمكىندىك بەرمەك، دەپ حابارلايدى اlmaty-akshamy.kz qazaqstan.tv.
قۋانىش قانات ۇلى، ءتىلشى:
جۇك كونتەينەرلەرىن ءتۇسىرىپ، تيەيتىن بۇل كرانداردىڭ ەرەكشەلىگى جىلدامدىعى سەكۋندىنا 28 مەتر جەل سوقسا دا جۇمىسىن توقتاتپاي ىستەي بەرەدى. ءدال ءقازىر بۇل تەرمينالدا ەكى كران بار. كەلەسى جىلى تاعى دا بىرەۋىن ورناتۋ جوسپارلانىپ وتىر.
ال بۇل تەرمينال تاۋلىگىنە التى پوەزعا قىزمەت كورسەتەدى.كونتەينەرلەردى ءتۇسىرىپ الۋعا جاڭا تەحنيكا ءوز سەپتىگىن تيگىزۋدە.
اسحات سۇلەيەۆ، باس ينجەنەر:
بۇگىنگى تاڭدا 110 قىزمەتكەر بار. بىزدە ۆاحتالىق مەتود بولىپ ەسەپتەلەدى. 15 كۇن دەمالىپ، 15 كۇن جۇمىس جاسايدى. ءبىر ۆاحتادا الپىس، جەتپىس كىسىگە دەيىن بولادى عوي.
جالپى دوستىق ستانسياسىندا ون بەس تەرمينال بار. ونىڭ بەسەۋى تەك كونتەينەر تيەۋمەن اينالىسادى. پرەزيدەنت جولداۋىنا سايكەس الداعى ۋاقىتتا تەرمينال سانىن ەسەلەۋ جوسپارلانعان.
ماقسات مامبەتقۇلوۆ، دوستىق ستانسياسىنىڭ باستىعى:
بۇگىنگى كۇنگە ءبىز 15-16 پوەز تاپسىرىپ جاتىرمىز. الدىمىزدا جۇڭگو مەملەكەتىمەن ۇلكەن جينالىستار وتكىزىپ، تاپسىرۋ جاعىن ودان دا ۇلكەيتسەك پە دەگەن جۇمىستار اتقارىلىپ جاتىر.18 پوەزعا شەيىن جۇمىس اتقارامىز.
دوستىق ستانسياسىندا كونتەينەرلەردەن بولەك اۆتوكولىك تاسىمالداۋ جوسپارلانعان. تەرمينالدا ءقازىر وسى جوبا بويىنشا دايىندىق جۇمىستارى پىسىقتالۋدا.